Hosea 2:7 - Wunta Mempori

⁷ Sine nahi to'orio nine Ongkuemo anu moweeakono gandu, anggoro, ka lana, ka anu mokohadioakono salaka ka wulaa anu domeweweuo tinaha Baala.

Hosea 2:7 ပူးပေါင်းရင်းမြစ်များ

2 Tawarika 28:23

Onae mompesombaako pesomba a luwuno pinesombaido to Damasi anu umariomo numangio. Pinewowolono, ”Anu tumulungi ira mokoledo to Arami, onaemo luwuno pinesombaido; ndi ondaemo aku mompesombaako pesomba, ka domentulungi aku ngkuda.” Sine luwunomo anu pinesombai atuu anu weweuo ka luwuno to Isaraeli ntedonta.

Po'unde-unde 116:7

Walimo pomperodo, hei sumangaku, hangano Ondae i Ue moweweu Iramo moiko ndi omue.

Yesaya 30:16

tendeano impotae, ”Naahi, kami mpolai mpesawi a ngara,” onaemo ka komiu mpolai nahi teto'ori pe'aroamiu. Mpotae komiu mbo'u, ”Kami mpesawi a ngara anu magasi,” ka ta kanatuu koa mbo'u magasido anu lumulu komiu.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yeremia 2:28

Isua iramoke pinesombai anu wineweumu tiano koroimu? Po'ineeomo dome'aiwa, tewala dompokokaduduiko tempono i'aluko masolaa! Mentee ntu'u kana hadiono kotamu kanatuumo hadiono pinesombaimu, hei Yehuda!

Yeremia 2:36

Tedoa upemoruanao a pongkitamu kobalio pelelumu! Maupo inso i Masiri komohawe mokoko'ii, kana ipokoko'iikomo i Asuri.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 31:18

Kurongeomo mentee ntu'u i Eparai mengese, ’Itunduhi akumo, ka kutarimao petunduhi, kana ana nsapi anu nahi pinaguru. Iwawa akumo mekule ka ineheku mepokule, hangano Omiumo Ue, Ue Alaku.

Yeremia 31:32

komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i Ue.

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Yehesikieli 16:18

Omue umalao sangkamu anu mesora-sora tumutuwiako ira ka mesombaakono ndi ondae lana ka dupa-Ku.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Yehesikieli 23:12

Onae tesingka a nto Asuri, a luwuno bupati ka anu mempabawaio, a nsorodadu anu mpesangka soompo ka anu mpesawi a ngara, luwuno mangalitau anu montama.

Yehesikieli 23:22

Onaemo pu'uno, hei Oholiba, kanandiomo pau-Do Ue Ala, lano meliahakokomo inso a luwuno kinekewoimu, sine mentee ntu'u, Aku tumena ira ka dompelelu me'ewaiko. Aku wawa ira umewaiko inso a mpehori-horimu:

Yehesikieli 23:4

Neeno anu te'aka i Ohola, ka neeno uaino i Oholiba, ondae mia-Ku. Ondae me'anaako ira ana ntama ka beine. Mongkona needo, i Ohola onaemo Samaria ka i Oholiba onaemo Yerusale.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 2:16

Ka Ku'amba metadiakono needo Baala inso a ngangamu, ka needo nami ta pinau mbo'u.

Hosea 5:13

Mansano kumitao i Eparai hakino, ka i Yehuda kumitao moboono, lumakoomo i Eparai a nto Asuri ka montena mia lumako ndi Mokole Mosia. Sine maupo onae nahi polio mokotompa komiu ka umoninio moboo atuu inso ndi omue.

Hosea 5:15

Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku: