Hosea 2:20 - Wunta Mempori

²⁰ Ia oleo atuu Aku merorongeakono, kanandiomo pau-Do i Ue, Aku merorongeakono langi, ka langi ta merorongeakono tolino.

Hosea 2:20 ပူးပေါင်းရင်းမြစ်များ

Tegagia 9:10

ka saru luwuno anu tuwu anu perongamiu: luwuno manu-manu, pinotuwu ka kondehora mo'ila anu perongamiu, anu mpeluarako inso a bangka atuu, luwuno kondehora i tolino.

Yesaya 2:4

Ira bitarao luwuno tongku ka putusio kara-karano hadio sukuno tongku. Ira melabuo luwuno ponaido gagi mata mpadeko ka kansaido gagi piso ponsewo; tongku nahi ira mpontande mbo'u ponai mo'ewai tongku susua, nahi ira mpepaguru mbo'u mpetea.

Yesaya 62:4

Omue nahi kopinau mbo'u ”beine anu bininta”, ka witamu nahi ta pinau mbo'u ”beine nahi pinerio”, sine omue konineeako ”beine inehe-Ku” ka witamu ”beine hinao tamano”, hangano Ondae i Ue inehe-Do ndi omue, ka witamu ta hinao tamano.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 32:41

Hangano ondae ta mawongko aroa-Ku moweweu moiko ndi ondae. Aku weweu ira mentuwu mpetenunu i wita andio, tompaano aroa-Ku ka tompaano sumanga-Ku.

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Yehesikieli 16:62

Aku mokorosoo pedandia-Ku saru omue. Ka omue kotumo'orio nine Ongkuemo Ue.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

Yehesikieli 34:25

Aku mowutu pedandia manangai saru ondae ka mokotampulao kondehora lambaha inso i wita atuu, ranta ka dompokompo'ia rodo i pada one ka mpoturi a luwuno tobu.

Yehesikieli 34:27

Luwuno keu a lere ta mompowee wuano ka wita atuu ta mompowee hasilino. Ira mentuwu rodo i witado. Ira mento'orio nine Ongkuemo Ue i tempono Kupuduo keu pasangado ka motola ira inso a ngkaedo mia anu mpe'ata ira.

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

Hosea 2:19

Aku mokogagiko beine-Ku a laro mpetenunu, ranta kau to'ori Ira i Ue.

Hosea 6:6

Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Imama 26:5

Tempomiu mposesa ta menggoe hawe tempo mo'opu wua anggoro ka tempo mo'opu wua anggoro ta menggoe hawe tempo morawo inii. Komiu mpongkaa kaangamiu ranta mowohi ka merodo mpo'ia i witamiu.

Imama 26:6

Aku mompowee rodoa i wita atuu, ranta komiu mpepombole nahina maupo hapa ta modengke komiu. Aku mokotampulao kondehora lambaha inso i wita atuu, ka ponai nahi ta telalo i witamiu.

Mika 4:3

Ira bitarao hadio tongku, ka Ira momputusi kara-karado luwuno tongku anu langkai hawe a mpo'ianga anu olai. Ira mempaluo ponaido gagi mata mpadeko, ka kansaido gagi piso pekeru; tongku nami ira mbo'u mpotande ponai mo'ewai tongku, ka ondae nami ira mbo'u mpepaguru mpetea.

Sakaria 9:10

Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 8:55

kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

IBARANI 8:11

Ka nahi ira mempaguru ira mbo'u pe'asa palilido, ka pada ondaedo mpepaekompo saru mpotae: To'ori Iramo i Ue! Hangano luwudo, langkai kodei, ira mento'ori Aku.

1 YOHANE 4:6

Omami nte'inso ndi Ondae Ue Ala: ba isema tumo'ori Ira Ue Ala, iperorongeakami; ba isema komba te'inso ndi Ondae Ue Ala, onae nahi perorongeakami. Onaemo tondonino Penaa menteea ka penaa anu mompopo'oo.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.