Hosea 2:18 - Wunta Mempori

¹⁸ Aku mokogagiko beine-Ku ranta nahina tampulaano ka Aku kumombiako a laro menteea ka moleoa, a laro mpetenunu ka pompehohawa.

Hosea 2:18 ပူးပေါင်းရင်းမြစ်များ

Ayubi 5:22

Tampulaa ka mokoninggoa komengingisiio ka kondehora mo'ila nahi kodoitoakono.

Ayubi 5:23

Hangano i'olomu ka luwuno watu a mpada ta hina pedandia, ka kondehora mo'ila ta mesintuwu saru omue.

Po'unde-unde 148:10

hei luwuno kondehora mo'ila ka luwuno pinotuwu, kondehora melera ka manu-manu mepani;

Po'unde-unde 23:2

Ondae mombole aku a mpada anu ewono molowulu. Dotaate aku a uwoi anu maante;

Po'unde-unde 46:9

Lakomo, kitaomo inangga-Do i Ue, anu weweuo poropua i tolino,

Yesaya 2:11

Mia anu mengkita saru mompelangka-langkai ta pine'uru-uru, mia anu mompelangka-langkai ta pinokompetuundu; butu koa Ondae i Ue anu tedoa mantande a oleo atuu.

Yesaya 2:17

Mia anu mompelangka-langkai ta pinokompetuundu, mia anu mompelangka-langkai ta pine'uru-uru; butu koa Ondae i Ue anu tedoa mantande a oleo atuu.

Yesaya 2:4

Ira bitarao luwuno tongku ka putusio kara-karano hadio sukuno tongku. Ira melabuo luwuno ponaido gagi mata mpadeko ka kansaido gagi piso ponsewo; tongku nahi ira mpontande mbo'u ponai mo'ewai tongku susua, nahi ira mpepaguru mbo'u mpetea.

Yesaya 26:1

I tempo atuu penani andio ta pinenaniako i wita Yehuda, ”Ndi ontae hinao kota anu moroso, tekaduduiato Dopasaomo i Ue rere watu ka bente.

Yesaya 32:18

Tongkuku ta mo'ia a mpo'ianga anu sintuwu, a mpo'ianga anu nahina monsosanggoli a mpo'ianga penaa-naaa anu rodo.

Yesaya 54:5

Hangano anu ta gagi tamamu onaemo Ondae Anu Mokogagiko, Ueno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.

Yesaya 65:25

Serigala ka ana bimba ira mongkaa ewo meronga-ronga, singa ta mongkaa seami kana sapi ka ule ta tuwu inso a pampawu. Nahina anu moweweu mosa'o ke mogau mokoburu a luwuno torukuno-Ku,” pau-Do i Ue.

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 33:16

I tempo atuu Yehuda ta pinotola, ka Yerusale ta tuwu rodo. Sarumo andio mia meneeakono: Ondae i Ue moleoato!

Yehesikieli 34:25

Aku mowutu pedandia manangai saru ondae ka mokotampulao kondehora lambaha inso i wita atuu, ranta ka dompokompo'ia rodo i pada one ka mpoturi a luwuno tobu.

Yehesikieli 39:1

Ka omue, anano mia, pauomo anu ta gagi umewaio i Goge ka potaemo: Kanandiomo pau-Do Ue Ala: Kitao, Aku gagi ewaimu, hei Goge petewawa anu lalu i wawono i wita Meseki ka Tubali.

Sakaria 14:4

I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 3:10

A oleo atuu, kanandiomo pau-Do Ueno luwuakoano, singge mia ta umoluo walino mentoro a ntoto ngkeu anggoro ka a ntoto ngkeu ara.”

Sakaria 9:10

Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.