Hosea 2:14 - Wunta Mempori

¹⁴ Inso i ra'ai Aku weakono lere anggorono, ka Kuweweuo lembono Akoro gagi pewowa pomperorohia. I ra'aimo onae ta meweengakono koroino kana tempono imongura, kana tempono ipelungka meluarako inso i wita Masiri.

Hosea 2:14 ပူးပေါင်းရင်းမြစ်များ

Tegagia 34:3

Sine aroano metako ndi Dina, anano i Yako; tedonta aroano a ana beine atuu, ka i'amba mokorodoakono aroano ana beine atuu.

Ayubi 36:16

Omue mbo'u Dopopandeiko meluarako inso a laro masukaraa, a mpo'ianga anu malua nahina pinemobea, a meda pongkaangamu anu nahina mososanggoli ka buke taba.

Penani Maramba 1:4

Padii akumo i bungkumu, aiwamo topontuturako! Dowawa akumo mokole a laro bolongko mpo'iangado. Kami memaroa mpebooli ka memawongko hangano omue, kami umunde-undeo pompehohawamu laluaopo sekono anggoro! Lano tekona dompehohawako!

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yesaya 5:5

Gagi kanandio-andio, aku pauakomiu hapa anu aku weweuo a lere anggoro-Ku atuu: Aku tumuehio wala ruino, ranta lere atuu ipingko kinaa, aku mobangkuo rere watuno, ranta ka ilinolanda lere atuu;

Yeremia 16:14

Onaemo pu'uno, menteeano tempono ta hawe, kanandiomo pau-Do i Ue, nine mia nahi ira mpotae mbo'u, ’A nee-Do i Ue anu tuwu anu tumaate ira to Isaraeli mpeluarako inso i wita Masiri’,

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yeremia 45:4

Pauakono: kanandiomo pau-Do i Ue: Menteeano, hapa anu winangu-Ku Aku betao, ka hapa anu pinaho-Ku Aku butao, maupo asa wawo wita!

Yehesikieli 20:10

Ongkue wawa ira mpeluarako inso i wita Masiri ka tumaate ira melako i pada one.

Yehesikieli 20:33

A nee-Ku anu tuwu, kanandiomo pau-Do Ue Ala, Aku parentaakomiu kae anu moroso, tokia anu tetande, ka tekuda anu te'uwu.

Hosea 2:3

Luwuno anano nahi Aku mehohawa ira, hangano ondae onaemo nana'ote belesu.

Mika 1:7

Luwuno tinahano ta pinuro, luwuno tambo pebelesuno ta tinunu, ka luwuno lahumoano Aku rumawo-rawoo; hangano inso a ntambo pebelesua atuu pinumpu luwu, ka ta wali gagi tambo pebelesu.

Mika 4:10

Pemolukimo ka peraepimo, hei ana beine Sioni, kana beine anu kontongaano me'ana! Hangano kanandio-andio omue asalakono meluarako inso a ngkota ka mo'ia i tongampada, omue asalakono melempa hawe i Babeli. I ra'aimo omue kopinotola, i ra'aimo Ira tumolosiko i Ue inso a ngkaeno iwalimu.

I YOHANE 12:32

ka Ongkue, tewala tinande Aku inso i tolino, Aku dumii ira luwu mia me'aiwa ndi Ongkue.”

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

MENGKAAA 12:14

A beine atuu wineeako orua panino singko langkai, ka ipenee lumako a mpo'iangano i pada one, i ra'ai ipinekaria olai inso a mpo'iangano ule atuu i larono aasa tempo ka orua tempo ka entonga tempo.

MENGKAAA 12:6

Beine atuu molai i pada one, i ra'ai Dopatindaomo Ue Ala aasa po'iangano, ka ipinekaria i tu'ai asa nsowu ka rua etu ka nomo pulu oleo tehineno.

Puu Mpobitara 19:3

Mompakaleomo tamano atuu ka ilako popandeio beine atuu kai pokuleo, meronga saru atano ka asa pasa kalide. Tempono beine atuu wawao mewinso i rahano amano ka ikitao amano, mawongkoomo aroano tepohaweakono.