Hosea 2:13 - Wunta Mempori

¹³ ”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 2:13 ပူးပေါင်းရင်းမြစ်များ

2 Mokole 1:2

Ia asa oleo i Ahasia tedonta inso a ntarali i bolongkono i wawono anu mo'ia i Samaria, ranta kai mahaki. Ka i'amba tumena ira mia saru pe'oliwi, ”Imelakomo, impesikenomo ndi Baala-Sebubi, anu pinesombai i Ekeroni, ke aku koa tompa inso a haki andio.”

2 Mokole 10:28

Kanandiomo iropuo i Yehu Ba'ala inso i Isaraeli.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

Ayubi 8:13

Kanatuumo sala ntumuwu luwuno mia anu kumolupe Ira Ue Ala; tampulaomo pomperorohiano mia anu mosa'o gauno,

Po'unde-unde 106:13

Sine, sarai koa ka domengkolupeo luwuno wineweu-Do, ka nahi domponsikori pontiso-Do;

Po'unde-unde 106:21

Domengkolupe Ira Ue Ala anu kumadudui iramo, anu mokomengkaaomo langkaino pabawa-Do i Masiri:

Po'unde-unde 78:11

Domengkolupeo luwuno inangga ka wineweu-Do anu kinohali-haliako, anu Dopopokitaomo ndi ondae.

Peluarakoa 32:34

Kanandio-andio lakomo, wawa iramo tongku atuu a mpo'ianga anu umariomo Kupauakomu. Mala'eka-Ku ta melempa i aromu. Sine i oleo pombaloa-Ku, mia atuudo Aku humuku ira hangano halado.”

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 65:7

a luwuno salado ondaedo, maupo salado uempu'udo, pau-Do i Ue. Hangano, ondae mpotunu iramo dupa a wawo luwuno torukuno ka mentata Aku a wawo pongku. Aku suma'uo a laro lemba meloedo tambono luwuno wineweudo anu i ndi'ipua!

Yeremia 11:13

Hangano kana hadiono kotamu kanandiomo hadiono pinesombaimu, hei Yehuda. Kana hadiono sala i Yerusale kanandiomo hadiono meda pontunua pesomba anu pinontademiu pontunua pesomba tiano Baala.

Yeremia 18:15

Sine bawaa-Ku domengkolupe Akumo. Ondae mpotunu pesomba a mpinesombai nahina pengkonaano, ondae ntetidu ntebangku a luwuno pesalaado, a luwuno pesalaa inso a tempo i ndi'ipua, ka mpo'ala pesalaa metosi, pesalaa anu nahi wineweu,

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 23:2

Onaemo pu'uno kanandiomo pau-Do i Ue, Ue Alado to Isaraeli, a luwuno puu mpompakambi anu mempakambio tongku-Ku, ”Impo'inee iramo bawaano bembe bimba-Ku ntesiarawo ka ntepoponsia, ka nahi imedagai ira. To'oriomo, Aku mombalo ndi omiu luwuno wineweumiu anu mosa'o, kanandiomo pau-Do i Ue.

Yeremia 7:34

A luwuno kotano Yehuda ka luwuno sala i Yerusale Aku mokompena-naao suara mawongkoa ka po'undea, suarano umbungkori tama ka umbungkoroi beine, hangano wita atuu ta gagi anu terawoa.

Yeremia 7:9

Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Ponsabangi 1:4

Luwuno sala lumako i Sioni bukeako pompemasusa, hangano nahina anu me'aiwa a mporame-ramea; boni-boniomo luwu pewowa langkaino, mpompau iramo pinemasusado sando mpesombano; tedoa iramo pompemasusa ana beineno; ka onaeno tedoa masusa aroano.

Ponsabangi 5:14

Mia pinemota'u nahi dompepumpu mbo'u a mpewowa langkai, mangalitau mpenaa-naa mpemae katapi.

Yehesikieli 16:12

Kupokonao tole-tole a engemu ka a birimu saru ramba-ramba ulu marambaa a wawo ulumu.

Yehesikieli 16:17

Omue umala ira mbo'u peramba-rambamu anu wineweu inso a wulaa ka salaka anu Kuweeakomu, ka u'amba weweu ira tinaha tama ka upebelesu saru ondae.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Hosea 11:2

Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

Hosea 13:1

Mansano mepau i Eparai, mpondidi-ndidi iramo mia; onae inunde-unde i Isaraeli, sine onae saala hangano Baala, umarino atuu mateomo.

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 2:5

Onaemo pu'uno, menteeano Aku umolotiakono ewo rui salano, ka mompontade rere watu umukoo, ranta nahi pokompohawe salano.

Hosea 2:7

Sine nahi to'orio nine Ongkuemo anu moweeakono gandu, anggoro, ka lana, ka anu mokohadioakono salaka ka wulaa anu domeweweuo tinaha Baala.

Hosea 4:13

Ondae mpopesombaako pesomba i punsuno luwuno torukuno ka mpontunu pesomba i wawono pongku-pongku wita, a ntoto ngkeu tarabanti ka keu hawari ka keu langkai susuano, hangano inengoino mompokonsanaa. Onaemo pu'uno luwuno anamu beine mponsosabo ka luwuno kombiado ana ntamamu mpebelesu.

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Hosea 8:14

I Isaraeli kumolupeo anu mokogagio ka montadeo luwuno langkanae; i Yehuda mokohadioo kota mebente; sine Aku mompotola api i larono luwuno kotado, ka i'amba luwuno bente ka langkanaedo ta kumaano.

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Amosi 8:10

Aku balio porame-ramemiu gagi po'inombo, ka luwuno penanimiu gagi ponsabangi. Aku mokonao sawu po'inombo a sompo tonga ka mokolondao sompo ulu. Aku weweuo kana mo'inomboako ana asa-asa, ranta poko'ariano kana oleo anu tedoa mopa'i.”

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

1 Samueli 12:9

Sine domengkolupe Ira i Ue, Ue Alado. Dopeweengako ira a ngkaeno i Sisera, tadulako sorodadu i Hasoro ka a ngkaedo to Pelisiti ka mokole Moabi anu me'iwaliako ira.