Hosea 14:4 - Wunta Mempori

⁴ Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Hosea 14:4 ပူးပေါင်းရင်းမြစ်များ

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 20:8

Mia andio mompelangka-langkaiako kareta ka mia atuu mompelangka-langkaiako ngara, sine ontae mompelangka-langkai a nee-Do i Ue, Ue Alato.

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Yesaya 12:1

I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Yesaya 57:18

Kukitaomo luwuno salano atuu, sine Aku mokotompao ka Aku tumaateo ka momuleakono pontarero.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 17:14

Ipokotompa akumo, oo Ue, asalakono aku tompa; Ikadudui akumo, asalakono aku tekadudui, hangano Omiumo inunde-undeku!

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 33:6

Menteeano, Aku mompotii ndi ondae tompaa ka pompokomoiko, ka Aku mokotompa ira ka mosabaako ira sintuwu ka rodoa anu hadio ntu'u.

Yeremia 5:6

Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Yeremia 8:22

Nahinake balasee i Gileadi? Nahinake dotoro i ra'ai? Tembioke napi hawe koa mbo'u pomuleado ana beineno tongkuku?

Yehesikieli 33:14

Tewala Ongkue mepau a mia mosa'o gauno, ’Omue manasa mate!’ sine onae mepokule inso a halano saru moweweu moleoa ka menteea,

Yehesikieli 36:36

Luwuno tongku pehori-horimiu anu da mpo'ia ira mento'orio nine Ongkuemo Ue, anu wali wanguo hapa anu terawoomo ka wali mompahoakono anu nahi inangga. Ongkue, Ue, anu pauo ka Aku weweuo.

Hosea 11:7

Bawaa-Ku mpekorahako mpebungkui Aku; Mpebooli ira a Baala ka mpenaa-naa mpelangkaio nee-Ku.

Hosea 2:19

Aku mokogagiko beine-Ku a laro mpetenunu, ranta kau to'ori Ira i Ue.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

Podoaa 25:11

”I Pineha anano i Eleasa, anano sando mpesomba Haruni momulea-Kunemo tekuda-Ku inso a nto Isaraeli, hangano mosia tumeahakono popelangkai ndi Ongkue i tonga-tongado, ranta nahi Kupingko ira to Isaraeli a laro mosiri-Ku.

Podoaa 25:4

Ka i'amba mepau Ira i Ue ndi Musa, ”Rako iramo luwuno petewawado tongku atuu ka ndoe ira i aro-Do i Ue a maluaano, ka itepomule tekuda-Do i Ue anu tensila atuu inso i Isaraeli.”

ROMA 3:24

ka hangano pompehohawa mempinokomentee iramo mpena hangano pontolosia ndi Ondae i Kerisituu Yesu.

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

TITU 3:4

Sine mansano mengkaa pe'aroa-Do Ue Ala, Puu pongkaduduito, ka pompehohawa-Do a mia,