Hosea 14:3 - Wunta Mempori

³ Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Hosea 14:3 ပူးပေါင်းရင်းမြစ်များ

2 Tawarika 16:7

I tempo atuu haweomo i Hanani, puu mpongkita, ndi Asa, mokole Yehuda ka ipotae ndi onae, ”Omue momperorohi ndi mokole Arami ka nahi upomperorohi ndi Ondae Ue Alamu, hangano kanatuu sorodaduno mokole Arami ira mpepotola inso a ngkaemu.

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 146:3

Si mpe'ala-ala ira ulea mokole, a anano mia anu nahi polio mongkadudui.

Po'unde-unde 146:9

Ondae i Ue dumagai ira mia mehawe, nana'ote nahina amano ka tuwu beine Dowali mokoroso ira, sine pesalaano mia mosa'o gauno Dopokogagio.

Po'unde-unde 33:17

Ngara onaemo pomperorohia nahina tuduno ka ihinawe ponangia, maupo kana'umpe magasino nahi weweuo mia tola.

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Yesaya 1:29

Mentee ntu'u, komiu mpohawe mokoko'ii hangano luwuno keu pesombaa anu ino'aroamiu; ka komiu mpohawe pontataa hangano lere bungano pinesombai anu bininikimiu.

Yesaya 2:20

A oleo atuu lahomoa salaka ka lahumoa wulaa anu wineweu ta pinesombai ira mpetadiakono mia a ntehu ka poneki,

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yesaya 30:16

tendeano impotae, ”Naahi, kami mpolai mpesawi a ngara,” onaemo ka komiu mpolai nahi teto'ori pe'aroamiu. Mpotae komiu mbo'u, ”Kami mpesawi a ngara anu magasi,” ka ta kanatuu koa mbo'u magasido anu lumulu komiu.

Yesaya 30:2

Ondae mpelungka melako i Masiri nahi dompo'ema pomputusi-Ku, ira mpepekadudui ndi Pirao ka mpepetaloi i totono pabawano Masiri.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 31:3

Hangano to Masiri mia koa, komba Ue Ala, ka ngarado onaemo anu ta tampula, komba penaa. Tewala Dotandeo i Ue kae-Do, telendoomo anu montulungi ka tedontaomo anu tinulungi, ondae mepingko luwu mate mperonga-ronga.

Yesaya 36:8

Kanandio-andio, impeta'omo saru ondae ueku, mokoledo to Asiuri; Aku moweeakomu rua nsowu ngara, poolo inso ndi omue upolio meweengako ira mia anu mokompesawikio.

Yeremia 49:11

Binta iramo anamu nahina amado, Ongkuepo motuwu ira; po'inee iramo tuwu beinemu mpomperorohi ndi Ongkue!”

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Yehesikieli 37:23

Ondae nahi domengkokoburutiakono mbo'u koroido luwuno lahumoa ke pinesombaido anu mokoburu ke luwuno polimpaido. Sine, Aku motola ira inso a luwuno wineweudo anu pansia anu hangano onae ka dontehala, ka mokomorina ira, onaemo ka domegagi bawaa-Ku ka Aku gagi Ue Alado.

Hosea 12:1

I Eparai kumadua-Kune pegaupi, a nsuku Isaraeli saru pe'akala; Yehuda mbo'u moliu inso umpedaako Ira Ue Ala, inso umpedaako Ira Anu Tedoa Mempori anu metenunu.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

Hosea 14:8

Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.

Hosea 2:17

Aku mowutu pedandia ndi omue i tempo atuu saru luwuno kondehora i tongampada, saru luwuno manu-manu i laro meene, ka luwuno kondehora melele a wawo wita; Aku umoninio wo'eno pana, ponai ka parewa mpetea inso i witamu, Aku weweuko rodo mepombole.

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Hosea 5:13

Mansano kumitao i Eparai hakino, ka i Yehuda kumitao moboono, lumakoomo i Eparai a nto Asuri ka montena mia lumako ndi Mokole Mosia. Sine maupo onae nahi polio mokotompa komiu ka umoninio moboo atuu inso ndi omue.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 8:6

Menteeano lahumoa atuu inso a nto Isaraeli, wineweuno puu mpo'angga, ka onae komba Ondae Ue Ala! Mentee ntu'u, ta gagi sibano ana nsapi Samaria atuu!

Hosea 8:9

Hangano ondae melako iramo i Asuri, kana kalide ntobu anu teponsia asa-asano; i Eparai montia-tiaomo pompowee pompehohawa.

Yunu 2:10

Ka i'amba mepau Iramo i Ue a bou atuu, umarino atuu i Yunu iluao a wita.

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

I YOHANE 14:18

Nahi Aku binta komiu gagi elu-elu. Aku wali hawe ndi omiu.

Winali 17:16

Polomokoa, mokole atuu si pokohadioo ngarano ka siwawa ira tongku andio mpekule i wita Masiri kai pohawe hadio ngara, hangano mepau Iramo i Ue ndi omiu, ”Osi'i ntu'u impekule lumaloo mbo'u sala andio.”