Hosea 14:2 - Wunta Mempori

² Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Hosea 14:2 ပူးပေါင်းရင်းမြစ်များ

2 Samueli 12:13

Ka i'amba motaeomo i Daudi ndi Nata, ”Tehala akumo ndi Ondae i Ue.” Motae i Nata ndi Daudi, ”Ondae i Ue Do'oniniomo halamu, nahi komate.

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

Ayubi 7:21

Tembio nahi I'ampunio halaku, ka nahi pahihiakune salaku? Hangano, kanandio-andio tepombole aku a laro pampawu, ka I'amba umungke aku, sine nahi kukongko mbo'u.”

Po'unde-unde 119:108

Ipemoikoomo, oo Ue, po'unde-unde pinesombaakoku, ka Ipaguruakunemo luwuno songka-Miu.

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 51:16

Ipotola akumo inso a mpasua rea, oo Ue Ala, Ue Ala tekaduduiaku, ka eloku ta kokora-kora mawongko paleleo moleo-Miu!

Po'unde-unde 51:17

Oo Ue, I'ungkahiomo wiwiku, ka ipaleleo ngangaku po'unde-unde ndi Omiu!

Yesaya 44:22

Kupokotampulaomo luwuno salamu kana gawu luwuno halamu kana seru. Pepokulemo ndi Ongkue, hangano Kutolosikomo!

Yesaya 6:7

Itengkuakono a ngangaku saru motae, ”Kitao, wiwimu itengkuomo waro andio, onaemo pu'uno salamu tinadiomo ka halamu pinokotampulaomo.”

Yeremia 3:12

Lakomo ka pebooliakonomo luwuno pau andio i utara. Potaemo: Pepokulemo, hei Isaraeli anu mehapuakono pompe'ala-alano, kanandiomo pau-Do i Ue. Rupa-Ku nahi ta mo'oro ndi omiu, hangano Ongkue me'aroa; nahi Aku tekuda ranta nahina tampulaano, kanandiomo pau-Do i Ue.

Hosea 12:7

Omue asalakono pepokule ndi Ondae Ue Alamu, pekariaomo petenunu mompehohawa ka moleoa, ka sikori Iramo mpiha Ue Alamu.

Hosea 5:5

Pompelangka-langkaido tongku Isaraeli gagi sakosii a ngkoroino onaeno; i Eparai ta tebangku tetiduako salano onaeno, i Yehuda mbo'u meronga ondae.

Hosea 6:6

Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Yoeli 2:17

Moikoomo luwuno sando mpesomba, puu pompekakaako-Do i Ue, mengese i olono arono bansala ka meda mpontunua pesomba, ka impotae, ”Oo Ue Ipehohawa iramo bawaa-Miu, ka siimo Ipo'inee ira mia-Miu gagi tataa, ranta luwuno tongku pasinggiri ira. Tembio ka ipinau i olodo luwuno tongku: Isua Ira Ue Alado?”

Yunu 2:9

Sine ongkue, saru po'undeku aku mompesombaako pesomba ndi Omiu; hapa anu kutangao aku umowahio. Inso ndi Ondae i Ue tekaduduia!”

Sakaria 3:4

anu motae ndi ondae anu mpekakaakono, ”Imelohuomo sangka merege atuu inso ndi onae.” Ka i'amba ndi Yosua ipotae, ”Kitao, saru andio ku'oniniomo salamu! Aku mokonaakomu sangka porame-ramea.”

I MATIU 7:11

Gagi tewala omiu anu mpoweweu mosa'o mponto'ori komiu mpompowee anu moiko a anamiu, tamoako Ondae Amamiu anu i suruga! Ira koa mompowee anu moiko a mia anu mo'ema ndi Ondae.”

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I LUKASI 18:13

Sine puu popumpu sima'ulu atuu mentade ola-olai, maupo mentombu i langi nahi sapa, tendeano itopao koroino ka ipotae: Oo Ue Ala, Ipehohawa aku mia tehala andio.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

ROMA 11:27

Ka onaemo andio pedandia-Ku saru ondae, tewala Ku'oniniako ira halado.”

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 10:4

Hangano komba reano sapi lakino ke reano bimba lakino po'onini hala.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.