Hosea 13:9 - Wunta Mempori

⁹ Omue masola, hei Isaraeli, hangano omue umewai Aku, umewaio puu Mpontulungimu.

Hosea 13:9 ပူးပေါင်းရင်းမြစ်များ

2 Tawarika 28:23

Onae mompesombaako pesomba a luwuno pinesombaido to Damasi anu umariomo numangio. Pinewowolono, ”Anu tumulungi ira mokoledo to Arami, onaemo luwuno pinesombaido; ndi ondaemo aku mompesombaako pesomba, ka domentulungi aku ngkuda.” Sine luwunomo anu pinesombai atuu anu weweuo ka luwuno to Isaraeli ntedonta.

Po'unde-unde 146:5

Me'uraomo mia anu montarima pontulungi inso ndi Ondae Ue Alano i Yako, anu pomperorohiano ndi Ondae i Ue, Ue Alano:

Po'unde-unde 33:20

Sumangato sumisikori Ira i Ue. Ondaemo puu pontulungito ka kantato!

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Powadi 6:32

Isema monsosabo nahi molino pinewowolono; mia anu moweweu kanatuu sumolangio koroino.

Powadi 8:36

Sine isema nahi hawe aku, mokorugio koroino; luwuno mia anu umo'aliaakune, mongkekewoi matea.”

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Yesaya 3:9

Wineweu mpobibiniki tumuntu ira ondaedo ka kana Sodomo, domempopauo halado, nahina mbo'u anu winuni. Memasola iramo ntu'u mia atuudo! Hangano mpoweweu iramo masolaano koroido ondaedo.

Yeremia 2:17

Komba omuemuke anu mokohinao andio a ngkoroimu, hangano ubinta Ira Ue Alamu, tempono Dotaateko a nsala?

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 4:18

Pelelumu ka wineweumu pepu'uano ka i'aluko luwuno andio. Onaemo hukumu, mopa'i ntu'u, ranta dumuhuo atemu.”

Yeremia 5:25

Salamu tumereio luwuno andio, ka halamu umonsoio anu moiko inso ndi omue.

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 7:14

Nahi dompebooli ndi Ongkue inso i aroado, tendeano mperaaliki a mpepomboleado. Domensosorekio koroido hangano gandu ka anggoro, ka dome'ewai Aku.

Hosea 7:15

Maupo Kupaguru iramo ka mokorosoako ira tokiado, mpotoo ira mpoweweu mosa'o ndi Ongkue.

Maleaki 1:12

Sine impesombaakono saru mpotae, ”Meda-Do i Ue lano kinokoburuti ka kaanga anu kongko i tu'ai moiko ipineruanahi!”

Maleaki 1:13

Mpotae komiu, ”Kitao, ndio butu mompokomasusa!” ka mempasinggiri Aku, pau-Do Ueno luwuakoano. Omiu mpowawa kondehora rinontu, kondehora anu tiimpa karu ka anu mahaki. Onaemo atuu anu winawamiu gagi pesomba. Aku memoikooke tumarimao inso a ngkaemiu? pau-Do i Ue.

Maleaki 1:9

Kanandio-andio, ”Po'arahakomo pokomolusao aroa-Do Ue Ala, ka Dopehohawa kita!” Hangano kaemu ka igagi mongkona atuu. Nde Ira tumotowoo moikoke asa mia inso i olomiu? pau-Do Ueno luwuakoano.

Winali 33:26

Nahina kana Ondae Ue Ala, hei Yesuruni. Ondae mepole ilangi gagi pontulungimu ka luwuno seru a laro maramba-Do.

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”