Hosea 13:14 - Wunta Mempori

¹⁴ Nde Aku motola ira ke inso a mpabawano tolinodo mia mate? Nde Aku tumolosi irake inso a matea? Isuaomoke haki lelemu, hei matea, isuaomoke poropumu, hei tolinodo mia mate? Mata-Ku tetutuwi tiano pompehohawa.

Hosea 13:14 ပူးပေါင်းရင်းမြစ်များ

Ayubi 33:24

ka Ira mehohawao saru mepau: Potolao, kasi petii a ngkaburu kineke; doi pontolosi Kuhaweomo.

Ayubi 41:22

Ondaloano iweweuo lulua kana kuro, tahi ipokogagio ponahuano rampa-rampa.

Po'unde-unde 16:10

hangano Omiu nahi peweengakune a ntolinodo mia mate, ka nahi po'ineeo mia mempori-Miu mongkita matea.

Po'unde-unde 30:3

Ue, Ue Alaku, ndi Omiu kupebooli mepetulungi, ka Ipokotompa akumo.

Po'unde-unde 49:15

Kana bimba domensinaari a laro ntolinodo mia mate, ipakambi ira matea; ondae ntetutu mpetii a laro ngkaburu, rupado tepirego, tolinodo mia mate gagi po'iangado.

Po'unde-unde 49:16

Sine Ondae Ue Ala Ira motolao penaaku, manasa Ira dumii aku inso a pokungkuno tolinodo mia mate. Sela

Po'unde-unde 71:20

Maupo Iweweu akumo membasaio hadio masusaa ka masolaa, Komiu koa wali motuwu aku, ka inso a ondaloano ntu'u tolino Komiu koa wali wuatako aku.

Po'unde-unde 86:13

hangano langkai ntu'u pompehohawa-Miu nahi bali ndi ongkue, ka ipotolaomo penaaku inso a laro ntolinodo mia mate.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yeremia 15:6

Omue isa'a nahi utarima Aku, kanandiomo pau-Do i Ue, upebungkui Akumo. Onaemo ka Kutandeo kae-Ku ka mepateko; te'osa Akumo mehohawako.

Yeremia 20:16

Po'ineeomo mia atuu gagi kana luwuno kota anu winowangunsule-Do i Ue nahina pompehohawa! Po'ineeomo ka irongeo pebooli tempono mo'oru ka pohio mpetea tempono ntonga oleo!

Yeremia 31:35

Kanandiomo pau-Do i Ue anu mompowee oleo gagi mewine tempono meene, ka pompakosi wula ka anano wula gagi mewine tempono wongi, anu mokomarisuo tahi, ranta ka dompebunde bombano, Ondae Ueno luwuakoano nee-Do,

Yehesikieli 37:9

Pau-Do ndi ongkue, ”Pauomo anu ta gagi a mpenaa atuu, pauomo anu ta gagi, hei anano mia, ka potaemo a mpenaa atuu: Kanandiomo pau-Do Ue Ala: Hei penaa, aiwamo inso a opaa siuno angi, ka pepuurimo i larodo mia anu mempinepate atuu, ka dowali mentuwu.”

Hosea 6:2

Ira motuwu kita umarino orua oleo, ia oleo ko'otolu Ira wangu kita, ka kita mentuwu i aro-Do.

Hosea 7:10

Pompelangka-langkaino i Isaraeli gagi sakosii a ngkoroino, sine nahi dompepokule ndi Ondae i Ue, Ue Alado, ka nahi dome'ungke Ira maupo luwuno atuu.

Maleaki 3:6

Menteeano Ongkue, Ue, nahi bali, ka omiu, inuleno i Yako, nahi ta pinokotampula.

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

ROMA 11:15

Nde tewala nahi domentarimao pengkonaano sintuwua i wawontolino, polioke pontarimado hinao pengkonaano susua sekono tuwu inso i olodo mia mate?

ROMA 11:29

Hangano komba Dope'o'oleakono Ue Ala pompehohawa ka pepoboi-Do.

2 KORINTI 5:4

Hangano tempono da mpo'ia a laro ngkema andio, pompemapari kita hangano mobeano tinembi, hangano ineheto mpokonao sangka anu wo'ohu atuu maupo nahi linohu anu laano, ka iteleo tuwua anu ta mate atuu.

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

1 TESALONIKA 4:14

Hangano tewala tompe'ala-alao, nine Ondae i Yesu mate Iramo ka mewangu Iramo, ka tompe'ala-alao koa mbo'u nine ondae anu memate iramo ndi Ondae i Yesu Ira pumpu ira Ue Ala meronga saru Ondae.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

MENGKAAA 20:13

Ka tahi meweengako ira mia memate anu mekongko i larono, ka matea ka poparentaano matea meweengako ira mia memate anu kongko i larono, ka ondae mebinitara singge mia montonda wineweuno.

MENGKAAA 21:4

Ka Ira pahihio luwuno uwoi mata inso a matado, ka matea nahi ta hina mbo'u; nahi ta hina mbo'u po'inomboa, ke ponsabangi, ke pompemasusa, hangano luwuakoano anu tehine atuu telaloomo.”

MENGKAAA 6:8

Ka kukitao: Menteeano, hinao aasa ngara molowulu mongkuni ka mia anu mesawikio meneeako i Matea ka poparentaano matea tumondao. Ka ndi ondae mempinoweeako pabawa a asa ntia opaano tolino ka dompompepateako ponai, ka mokoninggoa ka haki lele, ka saru luwuno kondehora lambaha anu i tolino.

1 Samueli 15:29

Ondae i Ue Anu Maramba, Ue Alado to Isaraeli, nahi Dopegaupi, hangano Ondae komba mia ka Ira me'o'ole.”