Hosea 12:7 - Wunta Mempori

⁷ Omue asalakono pepokule ndi Ondae Ue Alamu, pekariaomo petenunu mompehohawa ka moleoa, ka sikori Iramo mpiha Ue Alamu.

Hosea 12:7 ပူးပေါင်းရင်းမြစ်များ

Tegagia 49:18

Ongkue monsisikori tekaduduia inso ndi Omiu, oo Ue.

Powadi 11:1

Pontimba anu ahi mentee mokoburu-Do i Ue, sine Dopemoikoo watu pontimba anu koona ntu'u.

Powadi 16:11

Pontimba ka ponsa'u anu mentee onaemo ndi Ondae i Ue, luwuno watu pontimba a laro ngkadu-kadu Ondae weweuo.

Yesaya 3:5

Palili ira mambepokonsii, asa mia ka anu susuano; mia mongura mompepaukiako mia mota'u, mia pinokongkodei mompepaukiako mia maramba.

Yesaya 56:1

Kanandiomo pau-Do i Ue: Tondaomo songka ka teahakonomo moleoa, hangano saraimo koa ta hawe tekaduduia anu inso ndi Ongkue, ka moleoa-Ku ta pinokomengkaa.

Yehesikieli 16:3

Potaemo: Kanandiomo pau-Do Ue Ala ndi Yerusale: Insoamu ka hinaamu i wita Kana'a. Amamu to Amori ka inemu to Heti.

Yehesikieli 22:29

Palili i wita atuu mpo'ala anu komba tiado ka mporontu, mpompokonsii mia anu marasai ka mongkokolaro, saru songka nahi domperioo mpo'ala anu komba tiado a mia mehawe.

Yehesikieli 28:5

Saru pandemu ntu'u mebalu-balu omue mokohadioo kaeamu, ka hangano atuu omue gagi mompelangka-langkai.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Amosi 2:7

Ondae melolanda ira uludo mia molema a laro pampawu ka mebungkui ira mia marasai inso a nsala moleoa; ana ka ama lumako mewowaliako asa ana beine, ranta molinggei memporino nee-Ku.

Amosi 3:9

Paleleomo a luwuno bente i Asidodi ka a luwuno bente i wita Masiri, pauomo, ”Impepumpumo a ntorukuno Samaria ka mengkitaomo tewukaa langkai i tongano kota atuu ka popokonsiia anu hina i tu'ai.”

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

Mika 7:2

Mia mpope'ala-ala tampulaomo i witano, ka nami hina mbo'u mia moleo i olodo mia. Ondae luwudo mponsikori rea, singge mia mo'ohoako buani pe'asa miano.

Sakaria 14:21

Ka luwuno kawali i Yerusale ka i Yehuda ta gagi mempori ndi Ondae Ueno luwuakoano. Luwuno mia anu mompesombaako pesomba ta aiwa umalao ka numahuo i larono. Nahi ta hina mbo'u puu mpebalu-balu a raha-Do Ueno luwuakoano i tempo atuu.

Sakaria 5:8

Ka i'amba mala'eka atuu mepau, ”Onaemo atuu wineweu mosa'o.” Ka i'amba dumandao beine atuu mekule a laro ngkusi ka ipepasiakono watu tima atuu a ngangano kusi.

Sakaria 7:9

”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I YOHANE 2:16

Anu mpebalu-balu marapatii Dopotaeako ira, ”Ime'alao luwu andio inso i ndi'ai, si meweweuo raha-Do Ama-Ku gagi po'asaa.”

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

1 Samueli 12:3

I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”