Hosea 12:6 - Wunta Mempori

⁶ Ondaemo i Ue, Ue Alano luwuakoano, Ondae nineeako Ue.

Hosea 12:6 ပူးပေါင်းရင်းမြစ်များ

Tegagia 49:18

Ongkue monsisikori tekaduduia inso ndi Omiu, oo Ue.

Po'unde-unde 123:2

Kitao, kana matado ata ntama te'aro a ngkaeno pe'ueado, kana matano ata beine te'aro a ngkaeno pe'ueano beine, kanatuumo matato te'aro ndi Ondae i Ue, Ue Alato, hawe ka Dopehohawa kita.

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Po'unde-unde 37:7

Pomperodomo ndi Ondae i Ue ka sikori Iramo; si bamburu a mia anu mehasili a laro ntumuwuno, a mia anu moweweu pompopo'oo.

Peluarakoa 3:15

Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.

Powadi 1:23

Pewolilimo a mpekuahakoku! Menteeano, aku umuwuo penaaku ndi omue ka pauo pauku ndi omue.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Yesaya 1:16

Imewo'ohiomo, impokomorinaomo koroimiu, ime'olaiakono luwuno wineweumiu anu mosa'o inso i arono mata-Ku. Impenaa-naamo mpoweweu mosa'o,

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yesaya 31:6

Impepokulemo, hei to Isaraeli, ndi Ondae anu tedoa iramo pinebungkui!

Yesaya 40:31

sine mia anu sumisikori Ira i Ue mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Yesaya 58:6

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi,

Yesaya 8:17

Ka aku sumikori Ira i Ue anu wunio rupa-Do te'aro a inuleno i Yako; aku momperorohi ndi Ondae.

Yeremia 22:15

Nde potaemu omue gagi mokole, tewala omue metandi a pompakea keu arasi? Kombake amamu mongkaa ka mo'inu moweweu moleoa ka menteea, ranta moikoomo atuu ndi onae.

Yehesikieli 18:30

Onaemo pu'uno, hei suku Isaraeli, Aku humuku komiu singge mia montonda wineweuno, kanandiomo pau-Do Ue Ala. Tepidimo ka pepokulemo inso a luwuno polaloamiu songka, ka si mongkona atuu gagi watu tetiduamiu a laro sala mpoweweu.

Hosea 10:12

Porawomo menunu saru moleoa, sowiomo tiamu montonda petenunu mompehohawa! Anggaomo tiamu wita wo'ohu; temponomo umungke Ira i Ue, ranta ka Dohawe ka umusaiakomiu moleoa.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Yoeli 2:13

Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Amosi 4:13

Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

Sakaria 1:3

Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

Sakaria 7:9

”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

Sakaria 8:16

Ndiomo luwuakoano anu asalakono komiu meweweuo: Impepaumo tementee a mpe'asa miamiu ka impoputusimo songka anu moleo, anu mompokomanangai, a luwuno pewowa langkaimiu.

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.