Hosea 12:2 - Wunta Mempori

² I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 12:2 ပူးပေါင်းရင်းမြစ်များ

2 Mokole 17:4

Sine mokoledo to Asuri mohawe tepo'asaa umewa ndi Hosea anu tumena iramo mia melako ndi So, mokoledo to Masiri, ka nami pompesombaako mbo'u peki'ue ndi mokoledo to Asuri, kana wineweudo sompo ta'u. Onaemo pu'uno mokoledo to Asuri rumakoo ka itorungkuo.

Ayubi 15:2

”Hinaoke mia anu monto'ori sumangkio ponto'ori nahina pengkonaano, ka pinewowolono umihiakono angi?

Po'unde-unde 78:36

Sine dopopo'ooako Ira ngangado, ka saru elodo mpegaupi ira ndi Ondae.

Puu Pontutulu 5:15

Ndio mbo'u urasa'o anu mompokomasusa. Kana'umpe ihawe, kanatuu koa mbo'u ba ilako. Ka i'amba hapake urano mia atuu anu me'i'iseiomo mobuani angi?

Yesaya 10:12

Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yesaya 24:21

A oleo atuu Ondae i Ue Ira humukuo sorodadu langi i langi ka luwuno mokole ntolino i wawontolino.

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Yesaya 30:6

Pau-Do anu pabawa mongkona kondehora i Wita Nege. Telalo a wita anu buke ma'isoa ka te'asi, po'iangado singa waino ka singa lakino mpengaoli, po'iangado ule me'ipo ka ule mepani, domewawao arataa pompolido a wawo bungkuno kalide, ka luwuno parewa pinekariado a wawo palasa unta a tongku anu nahi domempolio mpompowee anu mentudu,

Yesaya 59:18

Menunu saru wineweudo, kanandiomo Dopompowee pombaloa: mokulano tekuda-Do a luwuno iwali-Do, pohuku a luwuno iwali-Do; maupo a luwuno togo anu olai Dopoweeakono pohuku.

Yeremia 25:31

Suara magaga ta hawe i tompano tolino, hangano Ondae i Ue hinao tinuntu-Do a luwuno tongku. Dopekara-karakono luwuno anu tuwu; Mia mosa'o gauno Ira meweengakono a mponai, kanandiomo pau-Do i Ue.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 4:9

Kana anu gagi a mpalili, kanandio koa mbo'u a nsando mpesomba: Aku humukuo hangano luwuno pomputusino ka luwuno wineweuno Aku sumuloakono.

Hosea 7:1

Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Hosea 7:2

Nahi dompokompewowoloo i laro aroado, nine Kupewowoloo luwuno wineweudo anu mosa'o. Maupo kanandio-andio luwuno wineweudo kumadu ira, luwuno kongko i aro-Ku.

Hosea 8:10

Maupo dompontia-tia pompowee atuu i olodo luwuno tongku, kanandio-andio Aku pumpu ira, ranta nami tehine mbo'u ira mpopu'u mentembio tembia inso a mokole ka luwuno anu pabawa.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 8:9

Hangano ondae melako iramo i Asuri, kana kalide ntobu anu teponsia asa-asano; i Eparai montia-tiaomo pompowee pompehohawa.

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Amosi 2:4

Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

Mika 6:2

Rongeomo, oo luwuno torukuno potuntu-Do i Ue, ka ta'oomo biri, oo luwuno empehino tolino! Hangano Ondae i Ue hinao potuntu-Do a bawaa-Do, ka Ondae mekara-kara saru Isaraeli.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

ROMA 2:6

Ira sumuloakono sompo mia montonda wineweuno,

GALATIA 6:7

Si ntepopo'oo! Ondae Ue Ala si Dopinepalindoako. Hangano hapa anu rinawono mia, onae koa mbo'u ta sinowino.