Hosea 12:11 - Wunta Mempori

¹¹ Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 12:11 ပူးပေါင်းရင်းမြစ်များ

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

2 Mokole 17:13

Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

Yeremia 10:15

Luwuno atuu nahina tuduno, inangga anu gagi pompasinggiri, ka ta moliu i tempono ihinuku.

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 2:28

Isua iramoke pinesombai anu wineweumu tiano koroimu? Po'ineeomo dome'aiwa, tewala dompokokaduduiko tempono i'aluko masolaa! Mentee ntu'u kana hadiono kotamu kanatuumo hadiono pinesombaimu, hei Yehuda!

Yehesikieli 17:2

”Hei anano mia, pauomo asa singguru ka asa potundaano a nsuku Isaraeli.

Hosea 10:1

Isaraeli onaemo keu anggoro anu tuwu mewalo, anu mehasiliako wua. Kohadi-hadiono wuano, kohadi-hadiono meda pontunua pesomba wineweuno. Komoi-moikono witano, komoi-moikono wineweuno luwuno tugu lahumoa.

Hosea 10:2

Aroado pande mpe'akala, kanandio-andio asalakono domentembio poko'ariano. Luwuno meda pontunua pesombado Ira rumawoo, luwuno tugu lahumoado Ira humoao.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Hosea 6:8

Gileadi onaemo kotado mia melambaha, bukeako hanga rea.

Hosea 8:11

Mentee ntu'u, i Eparai mompokohadioomo meda pontunua pesomba poweweuano hala; luwuno meda pontunua pesomba atuu pompu'uano dompoweweu hala.

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Yunu 2:8

Ondae anu mpe'ini a lahumoa nahina pengkonaano bara'ura domebintao petenunudo.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.