Hosea 11:8 - Wunta Mempori

⁸ Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 11:8 ပူးပေါင်းရင်းမြစ်များ

Tegagia 14:8

Ka i'amba mokoleno wita Sodomo, mokoleno wita Gumora, mokoleno wita Adima, mokoleno wita Seboimi, ka mokoleno wita Bela, onaemo wita Soari, melako ka mpo'atora baresi peteado umewai ira i lembono Sidimi,

2 Samueli 24:16

Mansano tumandeo mala'eka kaedo te'aro i Yerusale ta rumopuo, me'o'ole Ira i Ue a masolaa atuu. Ka i'amba pau-Do a mala'eka anu tekonai rumopuo tongku atuu, ”Sompoomo! Potiio kaemu.” Tempo atuu mala'eka-Do i Ue mo'ia umpeda a ponsesaano i Arauna, to Yebusi.

1 Mokole 3:26

Beine anu me'ueo nana'ote anu tuwu atuu mepepehohawa ndi ondae mokole, hangano mondende aroano mehohawao anano atuu, ipotae, ”Ipehohawa aku ueku mokole, iweeakonomo nana'ote anu tuwu atuu, siimo ipinepate.” Sine beine anu asa motae, ”Naahi, siimo tiaku, siimo tiamu, ipoleomo!”

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Tawarika 36:15

Sine Ondae i Ue, Ue Alano uempu'udo, mararu Dope'oliwi molalo luwuno tinena-Do, hangano Dopehohawa ira bawaa-Do ka po'ianga-Do.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Yesaya 16:11

Onaemo pu'uno, kana merokuno unino katapi kanatuumo aroaku mondidi-ndidi hangano Moabi, kanatuu koa mbo'u aroaku hangano Kire-Heresi.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 18:8

Sine, tewala tongku anu pinau-Ku atuu tepidi inso a wineweuno mosa'o, asalakono Aku me'o'ole hangano mingki modontaiakono masolaa anu Kupontooakono ndi onae.

Yeremia 3:12

Lakomo ka pebooliakonomo luwuno pau andio i utara. Potaemo: Pepokulemo, hei Isaraeli anu mehapuakono pompe'ala-alano, kanandiomo pau-Do i Ue. Rupa-Ku nahi ta mo'oro ndi omiu, hangano Ongkue me'aroa; nahi Aku tekuda ranta nahina tampulaano, kanandiomo pau-Do i Ue.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 42:10

Tewala mpo'ia komiu mpiha i wita andio, Aku mowangu ka komba sumolangi komiu, weweu komiu tuwu ka nahi Aku buta komiu. Hangano, me'o'ole Aku mompotii masolaa ndi omiu.

Yeremia 9:6

Pompokonsiia i wawono pompokonsiia, pompopo'oo i wawono pompopo'oo! Nahi domebehe mento'ori Aku, kanandiomo pau-Do i Ue.

Yeremia 9:7

Onaemo pu'uno, kanandiomo pau-Do Ueno luwuakoano, ”Menteeano, Aku mokolonoo ka umarahako ira, hangano hapa mbo'u anu Aku mokoweweuo a ana beinedo bawaa-Ku?

Ponsabangi 1:20

Oo, Ue, Ikitaomo, tedoa aku masusa, aroaku nahi rodo; aroaku tewowalite a laro radaku, hangano lansaraomo pe'ewaku; i bungkuno, ponai mepate ira inule, a laro raha, matea.

Ponsabangi 3:32

Maupo Dopompotii masusaa, me'aroa Ira koa mbo'u montonda langkaino pompehohawa-Do.

Ponsabangi 3:33

Hangano komba inso i aroa-Do mompokonsii ka mokomasusa ira anano mia.

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Hosea 6:4

Hapa anu Aku weweuo ndi omue, hei Eparai? Hapa anu Aku weweuo ndi omue, hei Yehuda? Pompehohawamu kana gawu mo'oru, ka kana tontoru anu moliu tempono mo'oru.

Hosea 7:1

Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Amosi 7:3

Ka Do'amba i Ue balio tinoo-Do mongkona pohuku atuu. ”Mongkona atuu nahi ta gagi,” pau-Do i Ue.

Amosi 7:6

Ka Do'amba i Ue balio tinoo-Do mongkona pohuku atuu. ”Ndio mbo'u nahi ta gagi,” pau-Do Ue Ala.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

Winali 29:22

Inule anu lembuiano, luwuno anamiu anu mehina umarino omiu, ka mia hawe anu me'aiwa inso i wita olai, ira mengkitao pohuku ka haki anu pinotii-Do i Ue i wita atuu.

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

2 PETURU 2:6

ka tewala Ondae Ue Ala sumongkoo kota Sodomo ka Gumora, ka ba kanandio rumopuo ka mokogagio aasa pompopoto'orido anu mentuwu mpogau mosa'o a tempo lembuino,

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 11:8

Ka wata ngkoroido ta mo'ia a wawo batatanano kota langkai, anu montonda pompe'ala-ala nineeako Sodomo ka Masiri, i ra'ai koa mbo'u Uedo Dopinaso a ngkeu pinotamba.

MENGKAAA 18:18

ka mpebooli, tempono domengkitao ahuno api anu tumunuo, dompotae, ”Kota isuake anu mengkena saru kota langkai andio?”

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.