Hosea 11:7 - Wunta Mempori

⁷ Bawaa-Ku mpekorahako mpebungkui Aku; Mpebooli ira a Baala ka mpenaa-naa mpelangkaio nee-Ku.

Hosea 11:7 ပူးပေါင်းရင်းမြစ်များ

Po'unde-unde 81:11

Ongkuemo Ue, Ue Alamu, anu tumaateko meluarako inso i wita Masiri; pengangamo telangkai, ka Aku mokobukeo.’

Powadi 14:14

Mia anu aroano humapu Ira i Ue tendeako pesalaano, ka mia anu moiko saru hapa anu hina ndi onae.

Yesaya 26:10

Ande-andeno mia mosa'o gauno pinehohawa, onae nahi ta mepaguru hapa anu mentee; onae ta moweweu molengku a wita po'iangano songka pinolempa, ka nahi ta kumitao maramba-Do i Ue.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 3:11

Ondae i Ue mepau mbo'u ndi ongkue, ”I Isaraeli anu mehapuakono pompe'ala-alano atuu mopokitao koroino menteeopo sekono i Yehuda anu nahi petenunu atuu.

Yeremia 7:25

Mompu'u tempo dompeluarako uempu'umiu inso i wita Masiri hawe oleo andio, Kutena ira mpiha luwuno nabi ndi omiu, luwuno tetenaa-Ku, oleo me'eu oleo, motilalo mpiha.

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yeremia 8:5

Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

Hosea 11:2

Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Hosea 4:16

Hangano Isaraeli umewa kana sapi anu umewa, kana'umpe ta gagi Dopakambi Ira i Ue kanandio-andio, kana bimba a ntanalapa?

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.