Hosea 11:6 - Wunta Mempori

⁶ Ponai ta me'a'e a luwuno kotado, rumopuo luwuno lansono pewowado ka ta kumaa ira, hangano luwuno tinoodo.

Hosea 11:6 ပူးပေါင်းရင်းမြစ်များ

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Po'unde-unde 106:43

Mararu Dopotola ira, sine saru luwuno sinongkado kongkodo umewai Ira, mentoondu ira a laro salado.

Yesaya 18:5

Hangano napi haweako tempo sumowi, mansano tompaanomo tempo mensisi, ka tepumpuno sisino gagi wua anggoro anu tamo ronga motaha, Ira sumantiakono piso posanti luwuno sampano ka tumadio saru poleo sampa-sampano.

Yesaya 27:10

Hangano kota anu mebente atuu gagi boni-boni, asa po'ianga anu pinokomooa ka bininta kana pada one; ana nsapi ta mongkaa ewo ka melungku i ra'ai mokopingko ira sampano keu.

Yesaya 30:1

Masola ntu'u nana'ote anu umewa, kanandiomo pau-Do i Ue, anu weweuo tinoo anu komba inso ndi Ongkue, anu mewinsokio tepo'asaa, anu komba hangano Penaa-Ku, ranta ka dompohowu hala metiangi hala.

Yesaya 9:14

Mia memota'u ka mia pinemota'u, onaemo atuu ulu, ka nabi anu mpopaguruako pegaupi, onaemo atuu iki.

Yeremia 5:17

Ira mengkaano ka ipingko hasilino sinowimu ka kaangamu, mengkaano ka ipingko anamu tama ka beine, mengkaano ka ipingko bawaano bembe bimbamu ka sapimu, mengkaano ka ipingko keu anggoro ka keu aramu, ka merawo-rawoakono ponai luwuno kotamu anu mebente, anu pinerorohimu.”

Yeremia 50:35

Ponai ta umalu ira to Kasidimi, kanandiomo pau-Do i Ue, umalu ira palilino Babeli, umalu ira mia pinemota'uno ka luwuno miano anu mponto'ori mentee!

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Yehesikieli 20:47

Pauakonomo tobu i wita selata: Rongeomo pau-Do i Ue. Kanandiomo pau-Do Ue Ala: Kitao, Aku molangao api i laromu anu ta kumaano luwu keu anu kongko ndi omue, moiko anu molowulu maupo anu moleu mokari. Apino anu kolanga-langa nahi ta mate ka luwuno rupa inso i selata hawe i utara ta tetunuako mokulano.

Hosea 10:14

ka marisuako peteaa ta me'umbaako i olono tongkumu, ka luwuno bentemu ta rinawo-rawo kana i Salamani rumawo-rawoo Beti-Arabeli a oleo peteaa, tempono luwuno ine saru nana'ote pinerego.

Hosea 10:6

Ana nsapi atuu ta winawa i Asuri gagi pesomba ndi Mokole Mosia. Eparai ta pinokoko'ii, Isaraeli ta montembi mokoko'iia hangano tinoono.

Hosea 4:16

Hangano Isaraeli umewa kana sapi anu umewa, kana'umpe ta gagi Dopakambi Ira i Ue kanandio-andio, kana bimba a ntanalapa?

Hosea 4:17

I Eparai tepo'asaako ira lahumoa, po'ineeomo koa onae!

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 6:8

Ondae Ue Ala mesumpa Iramo a ngkoroi-Do, kanandiomo pau-Do i Ue, Ue Alano luwuakoano, ”Kumokokowuereakono pompelangka-langkaino i Yako, ka o'aliaako ira benteno; Aku meweengakono kota saru ihino.”

Mika 5:11

Aku mokotampulao luwuno sihiri inso a ngkaemu, ka luwuno puu mpopau anu nahi manasa ta gagi nami ta hina mbo'u ndi omue.

Maleaki 4:1

Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado.

Winali 28:52

Komiu mengkinadu a luwuno kotamiu, ranta kai tehoa luwuno rerewatumiu anu mantande ka mebente, anu pinerorohimiu i luwuno witamiu. Tendeano komiu mengkinadu i larono luwuno kotamiu, a luwuno wita anu Doweeakomiu i Ue, Ue Alamiu.

Winali 32:25

Ponai i bungkuno raha ka mongkokongiria a laro bolongko ta mokotampulao mangalitau maupo ana beine, nana'ote mo'uo ka mia me'uwa.