Hosea 11:3 - Wunta Mempori

³ Kahinaano Ongkuemo anu paguruo i Eparai melempa ka tumande ira a ngkae-Ku, sine nahi dompokonto'orio, nine Ongkue mokotompa ira.

Hosea 11:3 ပူးပေါင်းရင်းမြစ်များ

Po'unde-unde 107:20

Dopohaweo pau-Do ka mokotompa ira, motola ira inso a ngkekeno kaburu.

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 19:4

Omiu isa'a mengkitao anu wineweu-Ku a nto Masiri, ka ba kana'umpe Kutande komiu a wawo mpanino kongka wawa komiu ndi Ongkue.

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 30:26

Mewineno wulantii ta kana mewineno oleo mokula ka mewineno oleo mokula ta meluka opitu, kana mewine opitu oleo, i tempono Ondae i Ue waluo mobela langkaino bawaa-Do ka mokotompao mobela hanga mpetunduhia.

Yesaya 46:3

”Ronge Akumo, hei suku inuleno i Yako, hei luwuno mia anu da mentuwu inso a inuleno i Isaraeli, hei mia anu Kutembi komiu mompu'u inso a mpe'anakaa, hei mia anu Kusu'u komiu mompu'u inso a laro kompono inemiu.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 30:17

Menteeano Aku mokotompako, Aku pakulio luwuno mobelamu, kanandiomo pau-Do i Ue, hangano omue pinauomo ’anu tinadi’, Sioni anu nahina umungkeo maupo te'asa mia.

Yeremia 8:22

Nahinake balasee i Gileadi? Nahinake dotoro i ra'ai? Tembioke napi hawe koa mbo'u pomuleado ana beineno tongkuku?

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Hosea 2:8

Onaemo pu'uno Aku wali umalao gandu-Ku i tempono ka anggoro-Ku i tempono, Aku wali sumintakio sawu wulu bimba ka sawu lena-Ku anu tumutuwio anuno.

Hosea 7:1

Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Hosea 7:15

Maupo Kupaguru iramo ka mokorosoako ira tokiado, mpotoo ira mpoweweu mosa'o ndi Ongkue.

WINEWEUDO TINENA 13:18

Pato pulu nta'u tehineno Dosabaraakono luwuno gaudo i pada one.

Winali 1:31

ka i pada one. I ra'aimo imengkitao nine Ondae i Ue, Ue Alamiu baba komiu kana asa mia mobaba anano, asangkeu sala anu tinondamiu, ranta kai mehawe a mpo'ianga andio.”

Winali 33:27

Ondae Ue Ala anu nahi bali onaemo puu pongkaduduimu; i totomu hinao tokia anu nahina tampulaano. Dosaario iwali inso i aromu ka mepau, ’Ropuomo.’

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.