Hosea 11:2 - Wunta Mempori

² Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

Hosea 11:2 ပူးပေါင်းရင်းမြစ်များ

1 Mokole 12:33

Onae mewuatako a ensano pontunua pesomba anu wineweuno i Beteli atuu a oleo kohopulu ka olima wula anu ko'oalu, a wula anu isongkaomo i laro aroano onaeno. Ipakosiako ira to Isaraeli asa oleo langkai ka onae mewuatako a ensano pontunua pesomba atuu montunu pesomba.

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Yesaya 65:7

a luwuno salado ondaedo, maupo salado uempu'udo, pau-Do i Ue. Hangano, ondae mpotunu iramo dupa a wawo luwuno torukuno ka mentata Aku a wawo pongku. Aku suma'uo a laro lemba meloedo tambono luwuno wineweudo anu i ndi'ipua!

Yeremia 18:15

Sine bawaa-Ku domengkolupe Akumo. Ondae mpotunu pesomba a mpinesombai nahina pengkonaano, ondae ntetidu ntebangku a luwuno pesalaado, a luwuno pesalaa inso a tempo i ndi'ipua, ka mpo'ala pesalaa metosi, pesalaa anu nahi wineweu,

Yeremia 35:13

”Kanandiomo pau-Do Ueno luwuakoano, Ue Alado to Isaraeli: Lakomo ka pauako iramo to Yehuda ka a mpalilino Yerusale: Nahi imentarimaoke pontunduhi saru merorongeakono luwuno pau-Ku? Kanandiomo pau-Do i Ue.

Yeremia 44:5

Sine, nahi dobehe merongeo ka nahi dompo'aroo biri ka dompewolili inso a mpoweweudo anu mosa'o ka nahi dompotunu mbo'u pesomba tiado pinesombai susua.

Hosea 11:7

Bawaa-Ku mpekorahako mpebungkui Aku; Mpebooli ira a Baala ka mpenaa-naa mpelangkaio nee-Ku.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 4:13

Ondae mpopesombaako pesomba i punsuno luwuno torukuno ka mpontunu pesomba i wawono pongku-pongku wita, a ntoto ngkeu tarabanti ka keu hawari ka keu langkai susuano, hangano inengoino mompokonsanaa. Onaemo pu'uno luwuno anamu beine mponsosabo ka luwuno kombiado ana ntamamu mpebelesu.

Hosea 4:17

I Eparai tepo'asaako ira lahumoa, po'ineeomo koa onae!

Sakaria 1:4

Siimo imengkana uempu'umiu anu dompopoto'oriako ira nabi anu i ndi'ipua, kanandio: Kanandiomo pau-Do Ueno luwuakoano: Impepokulemo inso a mpelelumiu anu mosa'o ka wineweumiu anu mokoburu! Sine nahi domebehe merongeo ka nahi domebehe mperio Aku, kanandiomo pau-Do i Ue.

Sakaria 7:11

Sine nahi dobehe pomperio, pompembuu-mbuu ira, me'ewa ka mpompebongo-bongo kasi domporonge.

I LUKASI 13:34

Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararu Kumingki pumpu ira anamu, mengkena kana ineno manu pumpu ira anano a ntoto panino, sine nahi imebehe.

I YOHANE 3:19

Ka ndiomo pohuku atuu: Mewine haweomo i wawontolino, sine mia inehedopo wongi-wongia sekono mewine, hangano luwuno wineweudo mosa'o.

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.