Hosea 11:11 - Wunta Mempori

¹¹ kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.

Hosea 11:11 ပူးပေါင်းရင်းမြစ်များ

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 60:8

Isemake ondae andio anu menee-nee kana seru ka kana marapatii a mpewowa ukoano?

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yehesikieli 34:27

Luwuno keu a lere ta mompowee wuano ka wita atuu ta mompowee hasilino. Ira mentuwu rodo i witado. Ira mento'orio nine Ongkuemo Ue i tempono Kupuduo keu pasangado ka motola ira inso a ngkaedo mia anu mpe'ata ira.

Yehesikieli 34:28

Ondae nahi ira mbo'u megagi pomuruado luwuno tongku, ka kondehora mo'ila nahi ta merangkami ira. Ira mpo'ia rodo nahina anu mompokodoito.

Yehesikieli 37:21

pauomo ndi ondae: Kanandiomo pau-Do Ue Ala: Mentee ntu'u, Aku umala ira to Isaraeli inso i olodo luwuno tongku ba isua domelako. Aku pumpu ira inso a luwuno siuno ka wawa ira i witado.

Yehesikieli 37:25

Ira mpo'ia i wita anu Kuweeakono tetenaa-Ku i Yako, i sua dompo'ia uempu'udo. Ondae saru luwuno anado maupo ana'ue ka ana'ue ntukodo ira mpo'ia i ra'ai ranta nahina tampulaano ka tetenaa-Ku i Daudi gagi mokoledo ranta nahina tampulaano.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

Obaja 1:17

Sine i torukuno Sioni ta hina mia anu tepotola; torukuno atuu ta gagi po'ianga mempori, ka inuleno i Yako ta mpe'ueo mbo'u witado.

Sakaria 10:10

Aku wawa ira mpekule inso i wita Masiri, ka inso i Asuri Aku pumpu ira. Aku wawa ira i wita Gileadi ka i Libano, ranta nahina mbo'u po'iangado.

Sakaria 8:7

Kanandiomo pau-Do Ueno luwuakoano: Menteeano, Aku kumaduduio bawaa-Ku inso i wita sabaano oleo hawe i wita sumooano.

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”