Hosea 11:1 - Wunta Mempori

¹ Tempono i Isaraeli da mongura, Kupehohawao, ka inso i Masiri Kupoboio ana-Ku atuu.

Hosea 11:1 ပူးပေါင်းရင်းမြစ်များ

Po'unde-unde 129:1

Penani mekoho. Sompoomo dompokoma'iso aku mompu'u tempo kumongura – po'ineeomo to Isaraeli dompotae kanandio –

Peluarakoa 19:4

Omiu isa'a mengkitao anu wineweu-Ku a nto Masiri, ka ba kana'umpe Kutande komiu a wawo mpanino kongka wawa komiu ndi Ongkue.

Peluarakoa 4:22

Gagi asalakono pauakono i Pirao: Kanandiomo pau-Do i Ue: I Isaraeli onaemo ana-Ku anu tama, ana-Ku anu aka;

Peluarakoa 4:23

Onaemo ka Kupauakomu: Po'inee iramo ana-Ku atuu ka domelako, mpesomba ndi Ongkue. Sine tewala nahi ubehe ira, Aku mepateo ana akamu anu tama.”

Yesaya 43:4

Hangano omue mentudu ka maramba a pongkita-Ku ka Kupehohawako, onaemo ka Kupeweengakono mia gagi eumu, ka luwuno tongku gagi euno penaamu.

Yeremia 12:7

Kubintaomo raha-Ku, ka metadiakono tia pusaka-Ku; Kupeweengakono ana pinehohawa-Ku a ngkaedo iwalino.

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yehesikieli 16:22

A laro luwuno wineweumu anu mokoburu ka pebelesumu atuu nahi upewowoloo mbo'u i tempono umongura, tempono ukolambe-lambe saru mesumpe-sumpe a laro meranoako reamu.

Yehesikieli 16:6

Ongkue telalo umpeda ndi omue ka kumitako mesumpe-sumpe meranoako rea. Ongkue mepau ndi omue anu kongko meranoako rea atuu: Omue asalakono tuwu!

Hosea 10:15

Kanandiomo ta wineweu ndi omue, hei Beteli, hangano mongkokongirino lambahamu. I tempono umpeda meene mokole Isaraeli ta pinokotampula.

Hosea 12:13

I Yako molai a lereno i Arami, ka i Isaraeli mepe'ataako koroino ka ipohawe kombiano; ka ipohawe kombiano, onae gagi puu pompakambi.

Hosea 12:9

kanandiomo pauno i Eparai, ”Kombake gagi akumo mompoli, mohawe akumo arataa tiaku; Luwuno atuu pine'osaiku. Mia nahi dompohawe sala anu gagi halaku.”

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Maleaki 1:2

”Kupehohawa komiu,” pau-Do i Ue. Sine mpotae komiu, ’Kana'umpe ke Ipehohawa kami?’ ”Kombake i Esau atuu pepaekompono i Yako?” kanandiomo pau-Do i Ue. ”Kupehohawao i Yako,

I MATIU 2:15

ka mo'ia i ra'ai ranta ka imate i Herode. Gagiomo kanatuu, ka ite'inihii anu pinau-Do i Ue molalo nabi, ”Inso i wita Masiri Kupoboio Ana-Ku.”

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

Winali 7:7

Komba hangano doamiu lalu hadio inso a tongku isuamo koa, aroa-Do i Ue tepadii ndi omiu ka dobiniki komiu. Kombake omiu andio anu lalu kodei inso a luwuno tongku?