Hosea 10:2 - Wunta Mempori

² Aroado pande mpe'akala, kanandio-andio asalakono domentembio poko'ariano. Luwuno meda pontunua pesombado Ira rumawoo, luwuno tugu lahumoado Ira humoao.

Hosea 10:2 ပူးပေါင်းရင်းမြစ်များ

1 Mokole 18:21

I Elia rumangkuhi ira luwuno palili atuu ka ipotae, ”Hawe te'ipia mbo'u me'orua laro? Tewala Ondae i Ue atuu Ue Ala, imentonda Ira, tewala Baala, imentondao,” Sine palili nahi domesangki maupo te'asa mpali pau.

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Yesaya 44:18

Nahi dompoto'ori hapa-hapa ka nahina tino'orido hapa-hapa, hangano matado metako tepusu, ranta nahi dompongkita, kanatuu koa mbo'u aroado, ranta nahi dompokonto'orio.

Yeremia 43:13

Onae ta merawo-rawo ira tugu pelahumoaano i Beti-Semesi i wita Masiri ka ta pingko isongkoo raha pompesombaia pinesombaido to Masiri atuu.”

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Hosea 7:8

I Eparai tepo'iaomo i olodo luwuno tongku, i Eparai gagiomo roti anu motaha asambali.

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Mika 5:13

Aku butao luwuno karuno lahumoamu inso ndi omiu ka rumopuo luwuno kota pesombaamu;

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

I MATIU 6:24

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

I LUKASI 16:13

Aasa ata nahi polio mepe'ata a orua ue. Hangano tewala kanandio onae ta umo'aliaakono anu asa mia ka mehohawao anu susua, ke ta metenunuio anu asa mia ka anu susua nahi perioo. Nahi komiu mpokompe'ue ndi Ondae Ue Ala ka a ngkaeaa.”

YAKOBU 1:8

Hangano mia anu orua laro nahi rodo a laro ntumuwuno.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 YOHANE 2:15

Si mengkekewoio wawontolino ka hapa anu hina i larono. Tewala mia mongkekewoi wawontolino, asalakono kumekewoi Ira i Ama nahina i larono mia atuu.

1 Samueli 5:4

Sine tisomono, mansado mpewangu mo'oru, domengkitaomo Dagoni atuu tebangku, rupano a wita i arono Burua Pedandia-Do i Ue. Uluno ka orua pele ngkaeno Dagoni atuu tepudu ka tetadiako i arono pewowa. Butumo koa koroino anu da mo'ia.