Hosea 10:12 - Wunta Mempori

¹² Porawomo menunu saru moleoa, sowiomo tiamu montonda petenunu mompehohawa! Anggaomo tiamu wita wo'ohu; temponomo umungke Ira i Ue, ranta ka Dohawe ka umusaiakomiu moleoa.

Hosea 10:12 ပူးပေါင်းရင်းမြစ်များ

Po'unde-unde 105:4

Ungke Iramo i Ue ka roso-Do, ungkeomo mpiha rupa-Do!

Po'unde-unde 72:6

Po'ineeomo ka ikana usa anu metii a wawo mpada ewo, kana usa marombo anu umuwoio tolino!

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Powadi 18:21

Tuwu ka mate ipabawaio elo, isema ineheno pakeo, ta kumaano wuano.

Puu Pontutulu 11:6

Tempono mo'oru rawoomo iniimu, ka ngkiniwia si po'ineeo kaemu menaa-naa, hangano nahi uto'orio onaeke andio ke atuu anu ta mewua, ke oruano pada moiko.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 32:20

Me'ura komiumo anu moiko imporawo umpeda a waaano uwoi, anu mokompopotola sapi ka kalide mpelempa mpongkaa ewo!

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 45:8

Hei langi, potiiomo moleoa inso i wawono, ka moikoomo luwumo seru umuwuo! Moikoomo tolino montarima ka mentumbaako tekaduduia, ka moikoomo ituwu moleoa! Ongkuemo Ue anu mokogagio luwuno andio.”

Yesaya 48:18

Tewala upekokoongakono luwuno parenta-Ku, rodoamu ta kana korono, ka manangaimu ta hadio ntu'u kana bomba-bombano tahi.

Yesaya 5:6

aku mo'ineeo nahi pinesampai ka nahi binondei, ka ituwu ewo ka rui; aku parenta ira seru, ka si dopompotii usa i wawono.

Yesaya 54:14

Omue kotineahako a menteea. Omue ko'olai inso a porontua, hangano omue siimo doito mbo'u, ka omue ko'olai inso a doitoa, hangano onae nahi ta umpedaakomu.

Yesaya 55:6

Ungke Iramo i Ue tempono da inehe-Do totepohaweako Ira; peboolimo ndi Ondae tempono da umpeda Ira!

Yeremia 50:4

I tempo atuu, kanandiomo pau-Do i Ue, to Isaraeli ira mehawe, mperonga to Yehuda; ira mpelempa saru mpengese ka umungke Ira i Ue, Ue Alado.

Yehesikieli 34:26

Aku weweu ira ka luwuno anu a mpehori-horino pongku-Ku gagi ronso. Aku motiio usa a tempono. Onaemo atuu usa ronso.

Hosea 12:6

Ondaemo i Ue, Ue Alano luwuakoano, Ondae nineeako Ue.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Hosea 8:7

Hangano ondae mporawo angi, ira mponsowi lompiu. Gandu anu mentonggi nahina ndi ondae; luwuno punopaho nahi pehasiliako tarigu; ka tewala mompowee hasili, mia hawe tumeleo.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Amosi 5:4

Menteeano kanandiomo pau-Do i Ue a tongku Isaraeli, ”Ime'ungke Aku, ka komiu mentuwu!

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Amosi 5:8

Ondaemo anu moweweu anano wula opitu ka anano wula anu otolu anu balio wongi-wongia gagi mo'oru ka anu weweuo meene gagi wongi-wongi kana wongi. Ondae anu moboio uwoi ntahi ka umuwuo a wawo ntolino, Ondae i Ue, onaemo atuu nee-Do.

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

WINEWEUDO TINENA 2:18

A luwuno mbo'u tetenaa-Ku tama ka beine Aku motiio Penaa-Ku a oleo atuu ka ira mpompau anu ta gagi.

2 KORINTI 9:10

Ondae anu mompatindaakono inii anu morawo, ka roti ta kaanga, Ondae koa mbo'u anu Ira mompatindaakomiu inii ka mokomelukao ka motuwuo luwuno wuano menteemiu;

YAKOBU 3:18

Ka wua anu inso a menteea rinawo a sintuwu tiado mia anu mpompokosintuwu.