Hosea 10:10 - Wunta Mempori

¹⁰ Montonda po'ehe-Ku Aku sumepi ira. Luwuno tongku ira mpepumpu umewai ira, tempono domensinepi hangano hadiono salado.

Hosea 10:10 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

Ayubi 39:10

Ipengingisiio maroano kota, nahi perorongeakono peboolido anu monsaari.

Yesaya 1:24

Ondaemo pu'uno, kanadiomo pau-Do i Ue, Ondae Ueno luwuakoano, Anu Tedoa Moroso, Puu Pongkaduduido to Isaraeli; ”Petangkoro, Aku motiio tekuda-Ku a luwuno iwali-Ku, ka mombalo a luwuno iwali-Ku.

Yeremia 15:6

Omue isa'a nahi utarima Aku, kanandiomo pau-Do i Ue, upebungkui Akumo. Onaemo ka Kutandeo kae-Ku ka mepateko; te'osa Akumo mehohawako.

Yeremia 16:16

Menteeano, Aku montena hadio puu mporako bou, kanandiomo pau-Do i Ue, anu ta rumako ira, umarino atuu Aku montena puu mpowemba anu ta wemba ira inso a wawo luwuno torukuno ka luwuno pongku ka inso a olo-olono pongku watu.

Yeremia 21:4

Kanandiomo pau-Do i Ue, Ue Alado to Isaraeli: Menteeano, Aku mosuleo parewa mpetea a ngkaemiu, anu pinakemiu mpetea umewaio mokole i Babeli ka luwuno to Kasidimi anu mengkadu komiu i bungkuno rere watu. Aku pumpuo i tonga-tongano kota andio.

Yehesikieli 16:37

mentee ntu'u, onaemo pu'uno Aku pumpu ira luwu pinehohawamu, ondae anu mempopandeio aroamu, moiko anu kinekewoimu maupo anu ino'aliaakomu. Aku pumpu ira inso a mpehori-horimu ka dome'ewaiko ka mesungkeo pinekaria winunimu i arodo, ranta ka domengkitao luwu kolambe-lambemu.

Yehesikieli 16:42

Kanatuumo Kupotiio tekuda-Ku ndi omue, onaemo ka itemonto mosiri-Ku ndi omue; ka Ku'amba momperodo ka nahi Kutekuda mbo'u.

Yehesikieli 23:46

Hangano kanandiomo pau-Do Ue Ala, ”Po'ineeomo ipentade asa tepumpuano mia umewai ira ka po'ineeomo domempineweengako a mongkokongiria ka pomurua.

Yehesikieli 23:9

Onaemo pu'uno, onae Kupeweengakono a ngkaedo kinekewoino, a ngkaedo to Asuri ndi sema imingki mewowaliakono.

Yehesikieli 5:13

Aku motiio tekuda-Ku ndi ondae, ranta ka imorini mokulano aroa-Ku ka teende Akumo. Ira mento'orio nine Ongkuemo Ue anu pauo a laro pompemasusa-Ku, tempono Kupotiio mosa'ono aroa-Ku ndi ondae.

Hosea 10:9

Mompu'u luwuno oleo Gibea tehalakomo, hei Isaraeli; i ra'ai kongkodo mpe'ewa. Kombake metea mo'ewai mia molengku ta humawe ira mbo'u i Gibea?

Hosea 4:19

Angi tumutuwi ira a laro mpanido, ka ira mempinokoko'ii hangano luwuno pesombado.

Hosea 4:9

Kana anu gagi a mpalili, kanandio koa mbo'u a nsando mpesomba: Aku humukuo hangano luwuno pomputusino ka luwuno wineweuno Aku sumuloakono.

Hosea 8:1

Puuriomo tawuwua! Tepatinda kana rajawali a wawo raha-Do i Ue! Hangano domelinggeiomo pedandia-Ku ka me'ewaio pompaguru-Ku.

Hosea 8:10

Maupo dompontia-tia pompowee atuu i olodo luwuno tongku, kanandio-andio Aku pumpu ira, ranta nami tehine mbo'u ira mpopu'u mentembio tembia inso a mokole ka luwuno anu pabawa.

I MATIU 22:7

Onaemo ka itekuda mokole atuu, ka i'amba tumena ira sorodaduno melako i ra'ai mpepate ira anu mpompepate atuudo ka mesongkoo kotado.

Winali 28:63

Kana mawongko-Do i Ue ndi omiu, Ira moweweu moiko ndi omue ka weweukomiu mehadio, kanatuumo mawongko-Do i Ue ndi omiu Ira sumolangi komiu ka rumopukumiu. Komiu mebinuta inso a wita, ba isua komiu melako mpetorokio.