Hagai 2:5 - Wunta Mempori

⁵ Kanandio-andio, pokorosoomo aroamu, hei Serubabeli, kanandiomo pau-Do i Ue; Pokorosoomo aroamu, hei Yosua anano i Yosadaki, sando mpesomba langkai, impokorosoomo aroamiu, hei luwuno palili, kanandiomo pau-Do i Ue. Impo'anggamo, hangano Ongkue kumongkomi komiu, kanandiomo pau-Do Ueno luwuakoano.

Hagai 2:5 ပူးပေါင်းရင်းမြစ်များ

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

Nehemia 9:20

Iweeako ira penaa-Miu anu moiko ka paguru ira. Ka mana-Miu mbo'u nahi ontoo domengkaano ka Ipoweeako ira uwoi kai tetadi mokoranga.

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Peluarakoa 19:4

Omiu isa'a mengkitao anu wineweu-Ku a nto Masiri, ka ba kana'umpe Kutande komiu a wawo mpanino kongka wawa komiu ndi Ongkue.

Peluarakoa 19:6

Komiu tewinso gagi sando mpesomba ka tongku anu mempori ndi Ongkue. Onaemo andio luwuno pau anu kopauako ira to Iaraeli.”

Peluarakoa 24:3

Haweomo i Musa pauako ira tongku atuu luwuno pau-Do i Ue ka luwuno atora; luwuno tongku atuu tepo'asa sangkido, ”Luwuno pau anu pinau-Do i Ue kami meweweuo.”

Peluarakoa 24:8

Ka i'amba i Musa umalao rea atuu, ka itawisiako ira bawaa ka ipotae, ”Ndiomo rea pedandia anu pinokoroso-Do i Ue saru omiu, me'empehiako luwuno songka-Do.”

Peluarakoa 34:10

Ka Do'amba mepau i Ue, ”Mentee ntu'u, Aku moweweu pedandia. I arodo luwuno tongkumu, Aku mompokogagi luwuno wineweu anu kinohali-haliako, anu napi hori gagi i asa wawontolino i olodo luwuno tongku. Luwuno tongku anu perongamiu, ira mengkitao pinokogagi-Do i Ue, hangano tedoa mongkokongiri hapa anu Aku mokogagio saru omue.

Peluarakoa 34:8

I Musa mansa menggolontuu i wita ka ipesomba.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:13

Hangano Ongkue, Ue, Ue Alamu, uminio kae ngkoanamu ka mepau ndi omue, ”Siimo doito, Ongkuemo anu tumulungiko.”

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Sakaria 8:13

Tewala i ndi'ipua megagi komiumo totonaa i olodo luwuno tongku, hei suku Yehuda ka suku Isaraeli, kanandio-andio Aku kumadudui komiu, ranta ka imegagi ronso. Siimo doito, pokorosoomo aroamu!”

Sakaria 8:15

sine a tempo andio mepokule Aku, tinoo-Ku moweweu moiko i Yerusale ka a nsuku Yehuda. Siimo doito!

I MATIU 28:5

Sine mala'eka atuu motaeako ira beine atuu, ”Siimo imedoito; hangano kuto'orio ime'ungke Ira i Yesu anu pinaso a ngkeu pinotamba atuu.

WINEWEUDO TINENA 27:24

ka ipotae: Si doito, Paulu! Omue asalakono kohawe i arono Datu. Ka menteeano hangano pompehohawa-Do Ue Ala, luwuno mia anu mekongko saru omue a ngkapala andio ira ntekadudui hangano omue.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 8:1

Mepau Iramo Ondae i Ue ndi Yosua, ”Sidoito kasi molusa aroamu. Wawa iramo luwuno sorodadu, impepatinda, imelako i kota Ai. Ka uto'orio, Aku meweengakono ndi omiu i kota Ai, mokoleno, palilino,

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

1 Samueli 12:20

Motae i Semueli ia tongku atuu, ”Si medoito, omiu lano mpoweweu komiumo luwuno anu mosa'o andio, sine simepansia inso ndi Ondae i Ue, tendeano impesombamo a bobotolino aroamiu ndi Ondae i Ue.