Hagai 2:4 - Wunta Mempori

⁴ Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Hagai 2:4 ပူးပေါင်းရင်းမြစ်များ

2 Samueli 5:10

Kopaba-pabawano i Daudi, hangano Ondae i Ue, Ue Alano luwuakoano kumongkomio.

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

Esera 10:18

I olodo sando mpesomba anu mpokombia beinedo mia mehawe, onaemo inso a inuleno i Yesua anano i Yosada ka luwuno pepaekompono: i Ma'asea, i Eliese, i Yaribi ka i Gedalia.

Esera 5:2

I tempo atuu i Serubabeli anano i Sealitieli ka i Yesua anano i Yosada mompu'u iramo mbo'u wanguo Raha-Do Ue Ala i Yerusale. Luwuno nabi-Do Ue Ala pompokowali ka tumulungi ira.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Hagai 1:13

Mepauomo i Hagai, tinena-Do i Ue a tongku atuu montonda pe'oliwi-Do i Ue, kanandio, ”Kukongkomi komiu, kanandiomo pau-Do i Ue.”

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Sakaria 8:9

Kanandiomo pau-Do Ueno luwuakoano, ”Pokorosoomo aroamu, hei luwuno mia anu lano rumongeomo pau andio, anu pinohawedo nabi, tempono i wineweu pondasino Raha-Do Ueno luwuakoano, ka iwinangu Raha Mempori atuu.

I MARAKUSU 16:20

Ondae mbo'u melako iramo mempaleleo Lele Mawongkoa a sompo siuno wita, ka Ondae i Ue mokowali ira a mpo'anggaado ka pau-Do atuu Dopokomorosoakono luwuno petondoni anu kumongkomi ira.

WINEWEUDO TINENA 7:9

Hangano kohilido uempu'uto, i Yusupu dome'asao i wita Masiri, sine onae Dokongkomio Ue Ala,

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

EPESU 6:10

Poko'ariano, imemorosomo ndi Ondae i Ue, a morosono pabawa-Do.

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

2 TIMOTIU 2:1

Onaemo pu'uno, hei anaku, gagimo moroso hangano pe'aroa ndi Ondae i Kerisituu Yesu.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Puu Mpobitara 2:18

Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.

1 Samueli 16:18

Sumangki asa mia atano, ”Menteeano kukitaomo asa mia anano i Isai to Beteleme, anu pande memae kasapi. Onae asa sorodadu anu mosia, pande mepau, montama koroino. Ondae i Ue kumongkomio.”