Hagai 1:6 - Wunta Mempori

⁶ Komiu mporawo hadio inii, sine hasilino tedei; komiu mpongkaa, sine nahi memowohi; komiu mpo'inu, sine nahi nte'osa; komiu mpesangka, sine koroimiu nahi pompemokula. Mia anu mo'angga ka itinambo, mohawe tambo a laro ngkadu-kadu anu mebolo!

Hagai 1:6 ပူးပေါင်းရင်းမြစ်များ

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

1 Mokole 17:12

Sumangki beine atuu, ipotae, ”A nee-Do i Ue, Ue Alamiu anu tuwu, menteeano nahina roti maupo tedei ndi ongkue, sangkadio tarigu asa raku a ngkusi ka lana tedei a mpido. Kanandio-andio kontongaaku mopumpu orua otolu mpole keu ponahu, ka ku'amba mekule weweuakono anaku. Kami kumaano; pingko atuu, kami mate.”

Nehemia 5:2

Hinao anu motae, ”Omami hadio kami saru ana ntama ka ana beinemami; asalakono kakimpohawe gandu, ka kimpongkaa ka mentuwu.”

Ayubi 20:22

A laro mare'eno anu tedoa hadio i'aluo marasai; onae i'aluo masusaa anu mongkokongiri ntu'u.

Ayubi 20:28

Hasilino inanggano anu kongko a rahano winawa, luwuno pingko a oleo tekuda-Do.

Po'unde-unde 107:34

wita anu mewalo gagi pada mopa'i, hangano mia anu mpo'iangario mpoweweu anu mosa'o.

Powadi 11:24

Hinao anu ineheno mompowee, sine tetiangi kaea, hinao anu tedoa mo'uri, sine wela makura.

Yesaya 5:10

Menteeano, lere anggoro anu maluano hopulu semedi ta mehasiliako butu asa bati anggoro; ka inii asa homeri ta mehasiliako butu asa efa tarigu.”

Yeremia 12:13

Ondae mporawo gandu, sine anu sinowi ewo rui; ondae mperokuhi, sine usahado nahina tuduno; mokoko'iido a hasili anu hinawedo, hangano tekuda-Do i Ue anu tensila.”

Yeremia 14:4

Anggaa a lere pinenaa-naaako, hangano nahina usa i wita atuu. Puu mpelere mpe'o'ole ka mensoumbuo uludo.

Yeremia 44:18

Sine mompu'u kimpenaa-naa mpontunu pesomba ka mpompesombaako pesomba tinawa a mpinesombai beine i suruga, omami memakuraako luwuakoano ka omami piningkoako ponai ka mokoninggoa.”

Hosea 4:10

Ira mpongkaa, sine nahi ira memowohi, ira mpebelesu, sine nahi ira ntetiangi, hangano dobinta Iramo i Ue ka domentuwu a laro mpebelesua.

Hosea 8:7

Hangano ondae mporawo angi, ira mponsowi lompiu. Gandu anu mentonggi nahina ndi ondae; luwuno punopaho nahi pehasiliako tarigu; ka tewala mompowee hasili, mia hawe tumeleo.

Imama 26:20

Ka rosomu ta pingko mpena, witamu nahi ta moweeko hasilino ka luwuno keu i wita atuu nahi ta mompowee wuano.

Imama 26:26

Tewala Kupokotampulao kaanga pinatindamu, manasa hopulu beine ta montunu roti i larono asa pontunua. Ira mempokuleo rotimu montonda ponsa'u pinakosi, ka komiu mpongkaa, sine nahi memowohi.

Hagai 1:10

Onaemo pu'uno langi umontoo tontoruno ka tolino umontoo hasilino.

Hagai 1:5

Kanandio-andio, kanandiomo pau-Do Ueno luwuakoano: Impekokoongakonomo pelempano tumuwumiu!

Hagai 1:7

Kanandiomo pau-Do Ueno luwuakoano: Impekokoongakonomo sala ntumuwumiu!

Hagai 1:9

Komiu mpomperorohi hadio, sine kitao hasilino tedei. Tempono imewawao mpekule, Kupuurio ka itampula. Hapa pu'uno? Kanandiomo pau-Do Ueno luwuakoano. Hangano raha-Ku anu da kana howuno anu terawo, sekono omiu singge mia marepaako rahano onaeno.

Hagai 2:16

”Kanandio-andio, pekokoongakonomo mompu'u oleo andio ka koramaino: se'eluno napi domempinotuda watu a raha-Do i Ue,

Hagai 2:17

kana'umpe teweweumiu? Tempono dome'aiwa mia ira mpohawe howuno gandu rua pulu ponsa'u hadiono, butu hinao hopulu. Tempono dome'aiwa mia a mpoporo'ia anggoro ira mpontambu lima pulu ponsa'u, butu hinao rua pulu.

Sakaria 5:4

Kutenaomo totonaa atuu meluarako, kanandiomo pau-Do Ueno luwuakoano, ka ipewinso a laro rahano mia monako ka rahano mia anu mesumpa nahi mentee a nee-Ku, ka merato a rahado saru rumopuo, moiko keu maupo luwuno watuno.”

Sakaria 8:10

Hangano se'eluno tempo atuu nahina urado mia, ka pinotuwu mbo'u nahina urado. Mia anu meluarako ka mewinso nahi ta rodo hangano hinao iwali. Kuweweuo luwuno mia pada mpe'iwali.

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

Winali 28:17

Tetotonaaomo bakimiu ka ponsaloamiu tarigu.