Hagai 1:5 - Wunta Mempori

⁵ Kanandio-andio, kanandiomo pau-Do Ueno luwuakoano: Impekokoongakonomo pelempano tumuwumiu!

Hagai 1:5 ပူးပေါင်းရင်းမြစ်များ

Po'unde-unde 48:13

Limbuomo Sioni ka tanggolilio, doaomo menarano,

Peluarakoa 7:23

I Pirao mewolili, ka ipewinso a langkanaeno ka nahi behe mewowoloo mbo'u anu gagi atuu.

Peluarakoa 9:21

sine ondae anu nahi domperioo pau-Do i Ue, dompo'inee ira ata saru pinotuwudo a tonga mpada.

Ponsabangi 3:40

Aiwamo tompempenteeo ka memparesao tuwuto, ka tompepokule ndi Ondae i Ue.

Yehesikieli 18:28

Ipokonto'orio ka tepidi inso a luwuno polalono songka anu wineweuno, ka onae manasa tuwu, onae nahi ta mate.

Yehesikieli 40:4

Mia atuu mepau ndi ongkue, ”Hei anano mia, kitaomo saru pepenteeo ka perorongeakono ntu'u ka pekokoongakono temoiko luwuakoano anu Aku mopokitao ndi omue. Hangano, onaemo pu'uno omue winawa i ndi'ai, ka kupopokitao luwuno atuu ndi omue. Pauako iramo luwuno anu kinitamu a nsuku Isaraeli.”

Danieli 10:12

Ka i'amba motaeakune, ”Siimo doito, Danieli, hangano mompu'u oleo amba-ambano upontoo ka upohawe ponto'ori ka kome'urumako i aro-Do Ue Alamu rinongeomo pinaumu. Ongkue aiwa hangano pinaumu atuu.

Danieli 6:14

Ka do'amba mpotae ndi mokole, ”I Danieli, asa mia i olodo mia mentinadi inso i Yehuda, nahi perio komiu ueku, mokole, ka nahi perioo pepo'onto anu linuarakomiu; pentolu asa oleo ipowuatako pekakai.”

Hagai 1:4

”Nde haweakoomo tempono ka impo'iangario luwuno rahamiu anu me'apiiako dopi, sekono raha-Do andio da kana howuno anu terawo?

Hagai 1:6

Komiu mporawo hadio inii, sine hasilino tedei; komiu mpongkaa, sine nahi memowohi; komiu mpo'inu, sine nahi nte'osa; komiu mpesangka, sine koroimiu nahi pompemokula. Mia anu mo'angga ka itinambo, mohawe tambo a laro ngkadu-kadu anu mebolo!

Hagai 1:7

Kanandiomo pau-Do Ueno luwuakoano: Impekokoongakonomo sala ntumuwumiu!

I LUKASI 15:17

Ka i'amba mokompewowoloo teweweuno, ipotae: Hadio ntu'u mia tinambodo amaku anu mare'eako kaanga, sine ongkue i ndi'ai mate mokoninggo.

2 KORINTI 13:5

Impepenteeo koroimiu, ba memoroso komiu koa mpiha a laro pompe'ala-ala. Imemparesaomo koroimiu! Nahi impe'ala-alaoke koroimiu, nine Ondae i Kerisituu Yesu kongko i laromiu? Hangano tewala komba kanandio, nahi komiu mponangi.

GALATIA 6:4

Sompo mia moikoomo ka ipepenteeo inanggano onaeno; ka moiko imemawongkoakono kumitao teweweuno onaeno ka komba mongkita teweweudo mia susua.