Hagai 1:1 - Wunta Mempori

¹ A nta'u ko'orua poparentaano mokole Dariusu, a wula ko'onoo, a oleo amba-ambano wula atuu, haweomo pau-Do i Ue telalo ndi nabi Hagai hawe ndi Serubabeli anano i Sealitieli, petewawa i wita Yehuda, ka ndi Yosua anano i Yosadaki, sando mpesomba langkai, kanandio,

Hagai 1:1 ပူးပေါင်းရင်းမြစ်များ

1 Mokole 10:15

napi tedoa saru anu hinawe inso a mia mpebalu-balu ka mia mpo'asa-asa saru inso a luwuno mokoledo to Ara ka anu mempabawa i wita atuu.

1 Mokole 14:18

Luwudo to Isaraeli mengkaburuo ka mensabangio, menunu saru pau-Do i Ue anu pinohawe-Do molalo tetenaa-Do i nabi Ahia.

2 Mokole 14:25

Onae wali umalao witado to Isaraeli, mompu'u inso a nsala mewinso i Hamati hawe a ntahi Araba menunu saru pau-Do i Ue, Ue Alado to Isaraeli anu pinohaweomo molalo tetenaa-Do i nabi Yunu anano i Amitai, nabi inso i Gati-Heperi.

1 Tawarika 3:17

Inuleno i Yekonia anu tinawa atuu, onaemo i Sealitieli, anano

1 Tawarika 3:19

Luwuno anano i Pedaya, onaemo i Serubabeli ka i Simei. Luwuno anano i Serubabeli, onaemo i Mesulami ka i Hanania. I Selomiti, onaemo pepaekompodo beine.

Esera 1:8

I Koresi, mokole i Peresia, metena kai linuarako luwu ka idagaio i Metireda, puu pompekaria arataano mokole, onae anu dumoaakono luwu i Sesibasari, petewawado to Yehuda.

Esera 10:18

I olodo sando mpesomba anu mpokombia beinedo mia mehawe, onaemo inso a inuleno i Yesua anano i Yosada ka luwuno pepaekompono: i Ma'asea, i Eliese, i Yaribi ka i Gedalia.

Esera 2:2

Me'aiwa ira saru i Serubabeli, i Yesua, i Nehemia, i Seraya, i Re'elaya, i Modekai, i Bilisani, i Misipari, i Bigiwai, i Rehumi, ka i Ba'ana. Ndiomo burino needo luwuno mia inso a tongku Isaraeli:

Esera 2:63

Topoparenta i wita atuu, umonto ira mbo'u mpongkaa inso a mpesomba tedoa mempori, ranta hinao asa sando mpesomba mesikeno ndi Ondae i Ue, mompake Urimi ka Tumimi.

Esera 3:2

Tempo atuu i Yesua anano i Yosada saru luwuno pepaekompono, luwuno sando mpesomba ka i Serubabeli anano i Sealitieli saru luwuno pepaekompono mpowangu meda pontunua pesomba ndi Ondae Ue Alado to Isaraeli ka dompompesombaako pesomba tinunu i wawono, menunu anu teburi a wunta Taurano i Musa, tetenaa-Do Ue Ala.

Esera 3:8

Ko'orua nta'uno, wula ko'orua, umarido mehawe a Raha-Do Ue Ala i Yerusale, i Serubabeli anano i Sealitieli ka i Yesua anano i Yosada pu'uo anggaa atuu saru luwuno pepaekompodo anu susua, onaemo luwuno sando mpesomba ka to Lewi, saru luwuno mia anu mpekule i Yerusale inso a mpo'ianga domentinawa. To Lewi anu tinuwuno rua pulu nta'u ka torea, dotena ira mpodagai anggaano mowangu Raha-Do i Ue.

Esera 4:2

Onaemo ka domelako ntepohaweakono i Serubabeli saru luwuno petewawa suku, dompotaeako ira, ”Po'ineeomo ka kimpokowali komiu mpowangu, hangano omami mbo'u mpesomba ndi Ondae Ue Alamiu kana omiu. Omami mbo'u wela mpopesombaako pesomba ndi Ondae, mompu'u i tempo poparentaano i Esari-Hadoni, mokoledo to Asuri, anu lumimba kami i ndi'ai.”

Esera 4:24

I tempo atuu anggaano powangua Raha-Do Ue Ala i Yerusale atuu te'onto ka kongkono te'onto hawe ta'u ko'orua poparentaano i Dariusu, mokole i Perisia.

Esera 5:1

Sine nabi Hagai ka i Sakaria inuleno i Ido, orua nabi atuu, mompau anu ta gagi a nto Yahudi anu mpo'ia i Yehuda ka i Yerusale a nee-Do Ue Alado to Isaraeli, anu kumongkomi ira.

Esera 5:3

Sine, i tempo koa mbo'u atuu i Tatinai, bupati wita i sumooano oleo Koro Eparata meronga saru i Setari-Bosinai ka wali-walido, me'aiwa potaeako ira, kanandio, ”Isemake anu moluarako parenta ndi omiu ka imewanguo raha andio ka mpoko'umari rere watuno?”

Esera 6:14

Luwudo mia pinemota'udo to Yahudi mpowangu mpiha ka moroso aroado, hangano pipaudo nabi Hagai ka i Sakaria anano i Ido anu ta gagi. Dompoko'umario powangua atuu montonda parenta-Do Ue Alado to Isaraeli ka parentano i Koresi, i Dariusu ka i Aritahasasita, mokole i Perisia.

Nehemia 12:1

Ndiomo luwuno sando mpesomba ka luwuno to Lewi anu mpekule meronga i Serubabeli anano i Selatieli ka i Yesua: i Seraya, i Yeremia, i Esera,

Nehemia 12:10

I Yesua amano i Yoyakimi ka i Yoyakimi amano i Eliasibi ka i Eliasibi amano i Yoyada

Nehemia 5:14

Mompu'u kupinotoro gagi bupati i wita Yehuda inso a nta'u korua pulu hawe a nta'u kotolu pulu ka orua poparentaano i Aritahasasita, i larono hopulu ka orua nta'u, ongkue ka luwuno pepaekompoku nahi kihori mpo'ala kaanga anu gagi tiano bupati

Nehemia 7:7

Me'aiwa ira mperongaakono i Serubabeli, i Tesua, i Nehemia, i Asaria, i Ra'amia, i Nahamani, i Modekai, i Bilasani, i Misipereti, i Bigawai, i Nehumi ka i Ba'ana. Ndiomo burino luwuno mia inso a tongku Isaraeli:

Nehemia 8:9

Wunta atuu, Taura-Do Ue Ala, mengkaa ibinasa ka pinokomengkaa, ranta pobasaa atuu pinokonto'ori.

Peluarakoa 4:13

Sine i potae i Musa, ”Tabea-Miu Ue, Ipontenamo isemamo koa anu Komiu tumenao.”

Hagai 1:12

Ka i'amba i Serubabeli anano i Sealitieli ka i Yosua anano i Yosadaki, sando mpesomba langkai, ka anu tebinta inso a tongku atuu mperorongeakono pepau-Do i Ue, Ue Alado, ka pauno nabi Hagai, kana peparenta-Do i Ue, Ue Alado ndi onae. Ka tongku atuu medoito ndi Ondae i Ue.

Hagai 1:14

Ka Do'amba i Ue wanguakono sumangano i Serubabeli anano i Sealitieli, petewawa i wita Yehuda, ka sumangano i Yosua anano i Yosadaki, sando mpesomba langkai, saru sumangado anu da ntebinta atuu. Ka do'amba me'aiwa ka me'anggao powangua raha-Do Ueno luwuakoano, Ue Alado,

Hagai 1:2

”Kanandiomo pau-Do Ueno luwuakoano, tongku andio mpotae: Kanandio-andio napi hawe tempono wali mewanguo raha-Do i Ue!”

Hagai 1:3

Ka i'amba haweomo pau-Do i Ue telalo ndi nabi Hagai, kanandio,

Hagai 2:10

Marambano raha anu kanandio-andio ta lumaloio marambano anu amba-ambano, pau-Do Ueno luwuakoano. A mpo'ianga andio Aku moweeakono rodoa, kanandiomo pau-Do Ueno luwuakoano.”

Hagai 2:20

Nde dahinaokoake inii a laro nsi'e, ka keu anggoro, keu ara, keu delima, keu saitu, napi pewua? Mompu'u oleo andio Aku mompowee ronso!”

Hagai 2:21

Haweomo pau-Do i Ue anu kompenduano ndi Hagai a ntanggala rua pulu ka opaa wulaa atuu, kanandio,

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Sakaria 1:1

I larono wula ko'oalu a nta'u ko'orua poparentaano i Dariusu, haweomo pau-Do i Ue ndi nabi Sakaria anano i Berekia anano i Ido, kanandio,

Sakaria 3:1

Ka i'amba pinopokitaomo ndi ongkue sando mpesomba langkai Yosua mentade i arono Mala'eka-Do i Ue ka i Mosa'o mentade i koanano ta tumuntuo.

Maleaki 1:8

Tewala mpowawa komiu asa kondehora anu morawu ta pinesombaako, kombake atuu mosa'o? Tewala mpowawa komiu kondehora anu tiimpa karu ka mahaki, kombake atuu mosa'o? Po'arahako wawao atuu a anu pabawa i witamiu, nde ta tumarima komiu, ke moiko itotowokomiu? pau-Do Ueno luwuakoano.

I LUKASI 3:27

anano i Yohanani, anano i Resa, anano i Serubabe, anano i Sealatie, anano i Neri