Esetere 9:2 - Wunta Mempori

² Onaemo ka dompepumpu to Yahudi i larono luwuno kotado a luwuno witado mokole Ahasiwero, ka dompepate ira mia anu montoo ta sumolangi ira, ka nahina maupo te'asa mia anu polio umaropi ira, hangano luwuno tongku atuu medoito iramo a nto Yahudi.

Esetere 9:2 ပူးပေါင်းရင်းမြစ်များ

Tegagia 35:5

Umarino atuu mpelungka iramo. Mongkokongiria inso ndi Ondae Ue Ala umaluo luwuno kota petengi-tengido onaemo ka nahi domelinampui anano i Yako.

Esetere 8:11

anu ihino: Ondae mokole umehe ira to Yahudi i sompo-sompo kota ka dompepumpu ka mengkorahakono penaado saru rumopu ira ka mepateo luwuno sorodadu, maupo nana'ote, ka luwuno beine, inso a tongku ka wita anu ta sumapoi ira ka merontuo arataado,

Esetere 8:17

Kanatuu koa mbo'u sompo-sompo wita ka kota, ba isuamokoa parenta ka atorado mokole haweomo, hinao po'unde ka mawongkoa i olodo to Yahudi, ka pelimbua saru oleo mawongkoa. Ka mbo'u hadio inso i olodo palili i wita atuu mpewinso a nto Yahudi, hangano medoito iramo ndi ondae.

Esetere 9:10

hopulu ira ana ntamano i Hamani anano i Hamedata, iwalido to Yahudi, dompepate ira, sine luwuno anu rinontu nahi domedanggio.

Po'unde-unde 71:13

Po'ineeomo dompohawe mokoko'ii ka pingko memate mia anu mpe'iwaliakune; po'ineeomo dompesoumbuako pontata ka mokoko'iia mia anu pompewowolo masolaaku!

Po'unde-unde 71:24

Eloku mbo'u ta popauo moleo-Miu hawe sumoo oleo. Mentee ntu'u ondae anu mpompewowolo masolaaku ira mpohawe mokoko'ii ka pontata.

Peluarakoa 23:27

Doitoa ndi Ongkue Aku tumenao mese'elungi komiu. Aku sumiarawo ira luwuno tongku anu hinawemiu, ka Aku weweu ira luwuno iwalimiu mpewolili mempolai inso ndi omiu.

Yesaya 8:9

To'oriomo, hei luwuno tongku, ka tededengkemo, impekokoongakonomo, oo, luwuno siuno tolino, impepatindamo mpetea, ka tededengkemo, impepatindamo mpetea, ka tededengkemo!

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

Yosua 11:20

Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

Yosua 2:9

ka motaeako ira, ”Kuto'orio, nine Ondae i Ue Dopeweengakonomo inia andio ndi omiu ka medoito kamimo saru luwuno palili inia andio.