Esetere 8:9 - Wunta Mempori

⁹ Ia tempo koa atuu, pinoboi iramo luwuno puu mpoburido mokole, i larono wula ko'otolu, onaemo wula Siwani a ntanggala ruapulu ka otolu, ka menunu saru luwuno anu iparentaako ira i Modekai, binuriomo wunta a nto Yahudi ka a luwuno sarungkoroido topoparenta, luwuno bupati ka a luwuno mia langkai potorono i wita, inso i India hawe i Etiopia, asa etu rua pulu ka opitu wita poparentaa, a sompo-sompo wita montonda binurido ka sompo-sompo tongku montonda paudo ka mbo'u a nto Yahudi montonda binuri ka paudo.

Esetere 8:9 ပူးပေါင်းရင်းမြစ်များ

2 Mokole 18:26

Ka i'amba motaeomo i Eliakimi anano i Hilikia, i Sebina ka i Yoahi ndi rabi-sakehi atuu, ”Pepaumo a mpaudo to Arami ndi omami atamiu andio, hangano kimento'orio. Sine siimo ipepauakami a mpau Yehuda ira merongeo palili anu mekongko a wawo rere watu.”

2 Tawarika 15:10

Mpepumpu ira i Yerusale ia wula ko'otolu, ta'u kohopulu ka olima poparentaano i Asa.

Esetere 1:1

I tempo poparentaano mokole Ahasiwero i pabawaio asa etu rua pulu ka opitu wita, mompu'u i India hawe i Etiopia.

Esetere 1:22

Mokole mo'oliwi iramo wunta a luwuno wita poparentaa, sompo-sompo wita montonda poburino ka sompo-sompo tongku montonda paudo, unino, ”Sompo tama asalakono gagi petewawa a nsomborino ka ipepau montonda paudo tongkuno.”

Esetere 10:1

Onaemo ka ipakosio mokole Ahasiwero peki'ue i wita poparentaa ka a luwuno wita i wiwi ntahi.

Danieli 4:1

Inso ndi mokole Nebukanesa a mia inso a luwuno tongku, suku ka pau, anu mpo'ia i asa wawontolino, ”Po'ineeomo ka itetiangi manangaimiu!

Danieli 6:1

I Dariusu, to Midia, montarima poparentaa tempono tinuwuno nomo pulu ka orua nta'u.

Danieli 6:25

Mokole meparenta, ka i'amba mia anu mentulurio i Danieli me'inala ka mempinetadiako a laro aano singa, moiko ondae maupo luwuno ana ka kombiado. Napi domehawe a horono aa atuu, domperangkami iramo singa atuudo, maupo wukudo domempuroo.