Esetere 8:1 - Wunta Mempori

¹ A oleo koa mbo'u atuu i mokole Ahasiwero meweengakono arataano i Hamani, iwalido to Yahudi, ndi mokole beine, Esetere, ka i Modekai mewinso me'aro ndi ondae mokole, hangano umariomo i Esetere pauako ira mokole hapa penggoeano i Modekai ka onae.

Esetere 8:1 ပူးပေါင်းရင်းမြစ်များ

Esetere 1:14

Mia anu umpedaako ira ntu'u mokole, onaemo: i Karisena, i Setari, i Adimata, i Tarisi, i Meresi, i Marasena ka i Memukana, opitu ira mia anu pinelangkai i Peresia ka Media, anu pototono kumitao rupado mokole ka anu hinao potorodo mantande a laro poparentaa, mesikeno ira mokole,

Esetere 2:15

Tempono i Esetere anano i Abihaili, onaemo pepaekompono amano i Modekai anu tumandeo i Esetere gagi anano, mohawe tia ta mewinso tepohaweako ira mokole, onae nahina ineheno maupo hapamokoa, sangkadio anu ipauakono i Hegai, sida-sida mokole, anu dumagai ira beine. Onaemo ka dompehohawao luwuno mia anu kumitao i Esetere.

Esetere 2:7

I Modekai atuu anu tume'iao i Hadasa, onaemo i Esetere, anano pepaekompono amano, hangano nana'ote atuu elu-eluomo. Ana beine atuu tekosi koroino ka tekosi rupano. Tempono domate ineno ka amano, itandeo i Modekai gagi anano.

Esetere 7:6

Ka i'amba sumangki i Esetere, ”I Hamani mia anu mosa'o andio onaemo anu ta mobobarasai ka iwalito!” Onaemo kai tedoa doito i Hamani i arodo mokole ka mokole beine.

Esetere 8:7

Sumangki ira mokole Ahasiwero ndi Esetere, mokole beine saru ndi Modekai, to Yahudi atuu, ”Arataano i Hamani kupeweengakonomo ndi Esetere, ka i Hamani sinonsoomo a ngkeu pinontade, hangano ipo'ioomo kaeno a nto Yahudi.

Po'unde-unde 39:6

Kitao, butu ba opia otuwe koa Itantuio tinuwuku; ka tempo tumuwuku kana mooa i aro-Miu. Oo, mia butu tuwu tempono hinao penaano! Sela

Powadi 13:22

Mia moiko mobinta pusaka tiado inuleno, sine kaeano mia tehala ninaa tiano mia mentee.

Powadi 28:8

Mia anu mokohadioakono bungano doi ke untu arataano, pumpuo atuu tiano mia anu mehohawao mia molema.

I LUKASI 12:20

Sine pau-Do Ue Ala ndi onae: Hei omue mia benge-benge, ia wongi koa mbo'u andio penaamu ta inala inso ndi omue, ka hapa anu upatindaomo, tiano isemake te'ingka?