Esetere 7:9 - Wunta Mempori

⁹ Mesombaomo i Harabona, aasa sida-sida anu i arodo mokole, ”Lano keu pinontade anu wineweuno i Hamani tiano i Modekai, mia anu kumadudui ira mokole ka ipauako ira atuu, mentadeomo umpeda rahano i Hamani, lima pulu hiku mantandeno.” Ka do'amba metena mokole, ”Onae imesonsoo a ngkeu atuu.”

Esetere 7:9 ပူးပေါင်းရင်းမြစ်များ

2 Mokole 9:32

Itandeo i Yehu rupano te'aro a pentangoa atuu ka ipotae, ”Isema me'alaako ndi ongkue? Isema?” Hinao orua ke otolu mia pegawai langkanae mengkita te'aro ndi onae.

Esetere 1:10

A oleo anu ko'opitu, tempono mawongko aroado mokole hangano mo'inu anggoro, doparenta iramo mokole i Mehumani, i Bisita, i Harabona, i Bigita, i Abagita, i Setari ka i Karakasi, onaemo opitu ira sida-sida anu mpo'angga i arodo mokole Ahasiwero,

Esetere 5:14

Ka i'amba motae i Seresi, kombiano, ka luwuno sambe'eno, ”Pontenamo mia moweweu keu pinontade anu mantandeno lima pulu hiku, ka pesombaakonomo tisomo mo'oru ndi ondae mokole, ka domesonsoo mia i Modekai a ngkeu pinontade atuu. Umarino atuu tamo mawongko aroamu lumako meronga saru ondae mokole a mpelimbua atuu.” Pohawedo atuu ipemoikoo i Hamani, ka i'amba metena moweweu keu pinontade atuu.

Esetere 6:14

Kontongaado mpepau-pau saru onae, mehawe iramo sida-sidado mokole, ka do'amba ronga mewawao i Hamani a mpelimbua anu wineweuno i Esetere.

Esetere 6:2

Ka i tu'ai hinawe aasa binuri mongkona i Modekai, anu horio mompau nine i Bigitani ka i Teresi, orua ira pegawaido mokole anu tewinso a bawaa puu mpodagai pewowa, dopontooakonomo ira mepateo mokole Ahasiwero.

Esetere 8:7

Sumangki ira mokole Ahasiwero ndi Esetere, mokole beine saru ndi Modekai, to Yahudi atuu, ”Arataano i Hamani kupeweengakonomo ndi Esetere, ka i Hamani sinonsoomo a ngkeu pinontade, hangano ipo'ioomo kaeno a nto Yahudi.

Esetere 9:14

Ondae mbo'u mokole meparenta ka iwineweu kanatuu. Onaemo ka ilinuarako atora atuu a bente Susani ka mia mesonso ira hopulu anano i Hamani.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Po'unde-unde 141:10

Po'ineeomo mia anu mosa'o gaudo mperongaako ntedonta a laro buanido ondaedo, sine ongkue lumaloakono tekadudui.

Po'unde-unde 35:8

Po'ineeomo matea humaweo nahi kinoo-koo, oho anu tina'ono, po'ineeomo onaeno irakoo, po'ineeomo ka itedonta ka ropu!

Po'unde-unde 73:19

Ha, sarai ntu'u ka dontedonta, tetadi moliu iteleo mongkokongirino matea!

Danieli 6:24

Mokole tedoa mawongko ka onae meparenta ka idinii i Danieli inso a laro aa. I Danieli diniiomo inso a laro aa, ka nahina mobela hapamo koa ndi onae, hangano ipe'ala-ala Ira Ue Alano.

Danieli 6:7

Mpopari-pari iramo anu langkai potorodo ka petewawa daera atuudo mpe'aro ndi mokole ka dompotae, ”Oo mokole Dariusu, melai tinuwumiu ueku!

1 Samueli 17:51

Meluluomo i Daudi ka ipentade i horino i Golia, ibutao ponaino inso a tampino. I Daudi mepateo ka ipoleakono ponai uluno. Mansano domengkitao to Pelisiti nine pongkiarido mateomo, mpolai iramo.