Esetere 7:7 - Wunta Mempori

⁷ Ka i'amba mentade iramo mokole saru mokula arodo umarido mo'inu anggoro ka dopeluarako a lere bunga langkanae. Sine i Hamani da mo'ia mo'ema ndi Esetere, mokole beine ka da ituwu, hangano ikitao nine doputusiomo mokole tinoodo ira mompotii masolaa ndi onae.

Esetere 7:7 ပူးပေါင်းရင်းမြစ်များ

Esetere 1:12

Sine mokole beine Wasati nahi behe lumako tepohaweako ira montonda parentado mokole anu pinohawedo sida-sida atuu, ranta ka dotedoa tekuda mokole ka tensilaomo tekudado.

Esetere 1:5

Mansano sompoomo oleono atuu, ondae mokole moweweu mbo'u pelimbua luwuno palili anu mpo'ia i laro bente Susani opitu oleo tehineno, mompu'u a mia langkai hawe mia kodei, po'iangano a kintala anu kongko a langkanae poparentaa.

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Po'unde-unde 112:10

Mia mosa'o gauno kumitao, ka i'amba mahaki aroa, ipokingkio ngisino, ka i'amba gagi motewe aroa; po'eheno mia mosa'o gauno te'aro a matea.

Powadi 14:19

Mia moweweu mosa'o metuundu i arono mia moiko, mia mosa'o gauno a mpewowa langkaino mia mentee.

Powadi 14:35

Mokole memoikoo atano anu molino pinewowolono, sine tekudano umaluo mia anu moweweu mokoko'iia.

Powadi 16:14

Bamburuno mokole onaemo mala'eka matea, sine mia pande mosongka mokompenaa-naao.

Powadi 19:12

Tekudano mokole kana pengaolino singa mongura, sine moikono kana tontoru a wawo ewo.

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Danieli 3:19

Tedoaomo lansara tekudano i Nebukanesa ndi Sadaraki, Mesaki ka ndi Abenego, ka rupano bali. Ka i'amba meparenta ka iwineweu pompotuwua api atuu meluka pepintu lalu mokula inso anu biasa.

MENGKAAA 3:9

Kitaomo, ba opia mia inso a bawaano i Mosa'o, onaemo ondae anu mempauo koroido to Yahudi, sine anu menteeano komba kanandio, tendeano mpegaupi, Aku meweengako ira ndi omue. Menteeano Aku tumena ira me'aiwa ka mpenggolontu a mpuu karumu ka memangaku, nine Kupehohawako.

1 Samueli 20:7

Tewala sumangki, ’Moiko koa,’ pengkonaano da aku koa tuwu. Sine tewala tumampu'u ira tekuda, manasa bobotoliomo aroado ira sumolangi aku.

1 Samueli 20:9

Sine sumangki i Yonata, ”Komba ta gagi ndi omue! Ba mansa kuto'orio nine ondae amaku bobotoliomo aroado ira sumolangiko, nahi aku pauakomu ke?”

1 Samueli 25:17

Onaemo ka ipewowoloomo ka ito'oriomo hapa anu komiu weweuo, hangano masolaa asalakono ta hawe ndi ondae ueto ka luwuno pe'asa rahado. Onae asa mia lambaha ranta ka nahi behe inoluako mepau.”