Esetere 7:3 - Wunta Mempori

³ Onaemo ka isangki i Esetere, mokole beine, ”Oo mokole, tewala ipehohawao tetenaamiu ka tewala ipemoikoo, ku'emao po'ineeomo ka ikongko penaaku ka tongkuku a mpo'eheno tetenaamiu.

Esetere 7:3 ပူးပေါင်းရင်းမြစ်များ

1 Mokole 20:31

Ka i'amba luwuno pegawaino mpotaeakono, ”To'oriomo, kimerongeomo nine luwuno mokoledo to Isaraeli atuu onaemo luwuno mokole anu popehohawa. Aiwamo topompokona sawu mpo'inombo a ntongato ka koloro a uluto kato mpeluarako nte'aro a mokoledo to Isaraeli; bara'ura nahi ira mepatekomiu.”

2 Mokole 1:13

Ka i'amba mokole tumenao mbo'u petewawa sorodadu anu ko'otolu saru lima pulu ana buano. Petewawa sorodadu anu ko'otolu atuu mewuatako ka mansano hawe, onae menggolontu i arono i Elia, saru mo'ema pompehohawa ndi onae, ipotae, ”Oo tetenaa-Do Ue Ala, po'ineeomo penaaku saru penaado luwuno atamiu andio mentudu a pongkitamiu.

Esetere 4:8

Ka mbo'u polimbano wunta atora anu linuarako i Susani ka domerinopu ondae atuu, ipeweengakono ndi Hatahi, ka ipopokitao ka ipauakono i Esetere. Ka i'amba i Hatahi tinena mbo'u mohaweo pe'oliwi ndi Esetere, ka ipe'aro ndi ondae mokole mo'ema pompehohawado ka umalaako ira tongkuno i arodo mokole.

Esetere 5:8

Tewala omiu mokole ipehohawao tetenaamiu, ka tewala moiko a pongkitamiu uminduo po'ema saru umihiio po'eheno tetenaamiu, po'ineeomo i'aiwa mbo'u omiu mokole saru i Hamani a mpelimbua anu ta patindao tetenaamiu tiamiu mokole ka i Hamani, tisomo aku weweuo anu inehemiu.”

Esetere 7:7

Ka i'amba mentade iramo mokole saru mokula arodo umarido mo'inu anggoro ka dopeluarako a lere bunga langkanae. Sine i Hamani da mo'ia mo'ema ndi Esetere, mokole beine ka da ituwu, hangano ikitao nine doputusiomo mokole tinoodo ira mompotii masolaa ndi onae.

Esetere 8:5

saru mesomba ka ipepau, ”Tewala ipemoikoo ka tewala ipehohawao tetenaamiu ka mongkona andio ipementeeo ka omiu mokole ipekonoo tetenaamiu, ipoluarakomo wunta parenta mokole kai wali pinokule luwuno wunta anu me'ihi sinongkano i Hamani anano i Hamedata, to Agagi atuu, anu binurino ta mepate ira to Yahudi i larono luwuno wita poparentaa.

Ayubi 2:4

Sumangki i Mosa'o ndi Ondae i Ue, ”Kuli me'eu kuli! Mia ta meweengakono luwu anu pine'ueno euno penaano.

Yeremia 38:26

asalakono ka upauako ira: Ongkue mohaweo po'emaku i arodo mokole, ka si kupinokule a rahano i Yonata ka kumate i ra'ai.”