Esetere 6:4 - Wunta Mempori

⁴ Mesikeno iramo mokole, ”Isemake anu kongko a kintala atuu?” Tempo atuu i Hamani da'iaopo ihawe a kintala i bungkuno langkanaedo ta pauako ira mokole nine ta mesonsoakono i Modekai a ngkeu anu ipontadeomo tiano.

Esetere 6:4 ပူးပေါင်းရင်းမြစ်များ

Esetere 4:11

”Luwuno pegawaido mokole saru palili a luwuno wita poparentaa mento'orio nine sompo tama ke beine anu me'aro ndi ondae mokole a kintala i larono ka nahi pinoboi, butu asa atora mpinolempa, onaemo hinuku mate. Butu mia anu ndi onae dotasiakono mokole tuko wulaa, anu ta kongko tuwu. Ka ongkue i larono tolu pulu oleo andio nahi kupinoboi me'aro ndi ondae mokole.”

Esetere 5:1

A oleo anu ko'otolu, i Esetere mesangkaako sangka mokoleno beine, ka i'amba mentade a kintala i larono langkanaedo mokole, kona ntu'u i arono langkanaedo mokole. Ondae mokole mentoro a ngkadera poparentaa i larono langkanae, tepo'aro saru pewowa langkanae atuu.

Esetere 5:14

Ka i'amba motae i Seresi, kombiano, ka luwuno sambe'eno, ”Pontenamo mia moweweu keu pinontade anu mantandeno lima pulu hiku, ka pesombaakonomo tisomo mo'oru ndi ondae mokole, ka domesonsoo mia i Modekai a ngkeu pinontade atuu. Umarino atuu tamo mawongko aroamu lumako meronga saru ondae mokole a mpelimbua atuu.” Pohawedo atuu ipemoikoo i Hamani, ka i'amba metena moweweu keu pinontade atuu.

Esetere 6:3

Onaemo ka dopesikeno mokole, ”Pontudu ka pompelangkai hapake anu wineeako i Modekai, hangano wineweuno atuu?” Mesangki ira puu pompekakaakodo mokole anu mpo'angga ndi ondae, ”Ndi onae nahina maupo hapa ipinoweeako.”

Esetere 6:5

Mesangki ira puu pompekakaakodo mokole, ”I Hamani atuu anu mentade a kintala.” Dopotae mokole, ”Tenao ka ipewinso.”

Esetere 7:9

Mesombaomo i Harabona, aasa sida-sida anu i arodo mokole, ”Lano keu pinontade anu wineweuno i Hamani tiano i Modekai, mia anu kumadudui ira mokole ka ipauako ira atuu, mentadeomo umpeda rahano i Hamani, lima pulu hiku mantandeno.” Ka do'amba metena mokole, ”Onae imesonsoo a ngkeu atuu.”

Ayubi 5:13

Ondae morako mia monto'ori anu pande me'akala, patuduno mia me'akala nahi Dopokogagio.

Po'unde-unde 2:4

Ondae, anu mo'ia i suruga, mengingisi; Ondae i Ue mopodeu-deu ira.

Po'unde-unde 33:19

anu motolao sumangado inso a matea ka mekariao tuwudo i tempono mokoninggoa.

Puu Pontutulu 9:10

Hapamo koa anu pinoko'anggano kaemu, anggaomo tompaano rosomu. Hangano, nahina anggaa, pontimbanga, ponto'ori ka monto'ori a ntolinodo mia mate, ba isua ta lakoamu.