Esetere 5:4 - Wunta Mempori

⁴ Sumangki i Esetere, ”Tewala ipemoikoo mokole, po'ineeomo ka i'aiwa omiu mokole saru i Hamani oleo andio a mpelimbua anu pinatindano atamiu tiamiu mokole.”

Esetere 5:4 ပူးပေါင်းရင်းမြစ်များ

Tegagia 27:25

Ka i'amba motae i Saki, ”Poko'umpedaomo kaanga atuu ndi ongkue, aku mongkaa bau pinongko'alamu anaku, ka kuronsoko.” Ipoko'umpedao ndi amano, ka ipongkaa amano. Ipowawaakono mbo'u anggoro, ka ipo'inu amano.

Tegagia 32:20

Asalakono imempauo mbo'u: Atamiu i Yako kongko ira i bungkumami.” Hangano ipewowoloo i Yako, ”Moikoopo saru pompowee anu winawa tese'elu kupokomolusaakono aroano, ka ku'amba kumitao rupano; bara'ura ta koa tumarima aku moiko.”

Esetere 1:9

I mokole beine Wasati mbo'u moweweu pelimbua luwudo beine i larono langkanaeno mokole Ahasiwero.

Esetere 3:15

Onaemo ka dompodadu mpelungka luwuno mia tinena anu magasi atuu, a petenado mokole, ka atora atuu linuarako i larono bente Susani. Kontongaano atuu ondae mokole saru i Hamani mentoro ira mo'inu, sine kota Susani ntewuka iramo.

Esetere 5:3

Mesikeno ira mokole ndi Esetere, ”Hapa tinoomu hei mokole beine Esetere, ka hapa inehemu? Maupo hawe entongano poparentaa kowineeako.”

Esetere 5:5

Metena iramo mokole, ”Tenaomo i Hamani ka ironga aiwa, kami umihiio po'emano i Esetere.” Hawe iramo mokole saru i Hamani a mpelimbua anu pinatindano i Esetere.

Esetere 5:8

Tewala omiu mokole ipehohawao tetenaamiu, ka tewala moiko a pongkitamiu uminduo po'ema saru umihiio po'eheno tetenaamiu, po'ineeomo i'aiwa mbo'u omiu mokole saru i Hamani a mpelimbua anu ta patindao tetenaamiu tiamiu mokole ka i Hamani, tisomo aku weweuo anu inehemiu.”

Po'unde-unde 112:5

Me'uraomo mia anu me'aroa ka mompesaboako, anu weweuo urusano moleo,

Powadi 29:11

Mia monge-monge motiio luwuno tekudano, sine poko'ariano mia pande mosongka mokomorinio.

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!