Esetere 4:16 - Wunta Mempori

¹⁶ ”Lakomo, pumpu iramo luwu to Yahudi anu mekongko i Susani ka imempuasamo tiaku. Si mpongkaa ka si mpo'inu otolu oleo tehineno, moiko i tempono wongi, moiko i tempono meene. Ongkue saru luwuno beine puu mpopekakaakoku mbo'u, kami mempuasa kanatuu. Ka umarino atuu aku mewinso me'aro ndi ondae mokole, maupo mo'ewai atora. Tewala mansa aku mate, po'ineeomo kumate.”

Esetere 4:16 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Tegagia 43:14

Po'ineeomo Ondae Ue Ala Anu Tedoa Pabawa moweeakomiu pompehohawa a pongkitano mia atuu, ka i'eheakono mekule pepaekompomiu anu susua atuu ka i Benami. Mongkona ongkue andio, tewala mansa ira tetadi anaku, po'ineeomo dontetadi inso ndi ongkue!”

2 Samueli 10:12

Pokorosoomo aroamu ka aiwamo tompokodatoo tinooto tiano tongkuto ka tiano luwuno kota-Do Ue Alato. Po'ineeomo Doweweuo i Ue anu moiko a pongkita-Do.”

2 Mokole 7:4

Tewala kita mpotae, moikoopo ba tompewinso i kota, kahinaano i laro kota hinao mokoninggoa, kita koa memate i ra'ai. Tewala mpentoro kita mpiha i ndi'ai, kita koa memate mbo'u. Gagi kanandio-andio, aiwamo tompe'asambaliako a mpekemaado sorodadu to Arami. Tewala dompo'inee kita tuwu, kita mentuwu, ka tewala dompepate kita, kita koa memate.”

2 Tawarika 20:3

I Yosapa gagi doito, ka i'amba putusio umungke Ira i Ue. Itena ira luwuno Yehuda ka domempuasa.

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Esetere 4:15

Onaemo ka petena i Esetere mohaweo sangki andio ndi Modekai,

Esetere 4:17

Lumakoomo i Modekai ka iweweuomo kana anu i'oliwiakono i Esetere.

Esetere 4:3

Ia sompo-sompo wita, isua petena ka atorado mokole haweomo, hinao po'inomboa anu langkai i olodo to Yahudi tinondaako puasa ka ponsabangi; hadio mia mpowile sawu po'inombo saru awu pe'empehido mpoturi.

Esetere 5:1

A oleo anu ko'otolu, i Esetere mesangkaako sangka mokoleno beine, ka i'amba mentade a kintala i larono langkanaedo mokole, kona ntu'u i arono langkanaedo mokole. Ondae mokole mentoro a ngkadera poparentaa i larono langkanae, tepo'aro saru pewowa langkanae atuu.

Esetere 9:31

ka luwuno oleo Purimi atuu riname-rame a tempo anu pinakosi, kana anu dotenaako ira i Modekai, to Yahudi atuu, ka i Esetere, mokole beine ka kana anu dotenaako ira a ngkoroido ondaedo saru inuledo mongkona puasa ka mponsosabangi.

Yesaya 22:12

I tempo atuu Ondae i Ue, Ueno luwuakoano tumena ira mia mpengese ka mponsabangi, mpekeru ulu ka mpebooako sawu po'inombo;

Yeremia 36:9

Kanatuumo a nta'u ko'olima poparentaano i Yoyakimi ana ntamano i Yosia, mokoledo to Yehuda, a wula ko'osio, pinaleleomo puasa i aro-Do i Ue a luwuno palili i Yerusale ka a luwuno palili anu me'aiwa inso a luwuno kotano Yehuda melako i Yerusale.

Danieli 2:18

ka dompo'ema pompehohawa inso ndi Ondae Ue Alano asa wawo langi mongkona rahasia atuu, ka si domempinokotampula i Danieli ka wali-walino meronga mia mponto'ori susua i Babeli.

I MATIU 12:40

Hangano kana i Yunu mo'ia a laro kompono bou otolu oleo ka otolu wongi, kanatuumo mbo'u i Ana Manusia Ira mo'ia a laro wita otolu oleo ka otolu wongi.

I LUKASI 9:24

Hangano ba isema ta kumaduduio penaano, ta tetadi penaano; sine ba isema tetadi penaano hangano Ongkue, onae ta kumaduduio.

I YOHANE 19:22

Sumangki i Pilatu, ”Hapa anu binuriku, kongkono teburi.”

WINEWEUDO TINENA 10:7

Mansano bintao mala'eka anu mepauakono atuu, ipoboi iramo atano orua ira saru asa sorodadu anu mesomba ntu'u ndi Ondae i Ue inso a luwuno mia anu wela perongano.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

WINEWEUDO TINENA 27:33

Mansano tamo meene, i Paulu umoluako ira luwuno mia ka dompongkaa, ipotae, ”Hopulu ka opaa oleomo butu komiu mpesisikori, mpeteao mokoninggo ka nahi mpongkaa hapa-hapa.

WINEWEUDO TINENA 9:9

Otolu oleo tehineno nahi pokompongkita ka otolu oleo tehineno nahi pongkaa ka mo'inu.

ROMA 16:4

Dopeta'oakonomo penaado tiano tuwuku. Ndi ondae komba butu ongkue anu montarima kasi, sine luwuno mbo'u bawaa komba to Yahudi.

PILIPI 2:30

Nde hangano anggaa-Do i Kerisituu ilawupo imate ka ita'oo penaano mokosompoo hapa anu da makura a laro pompekakaakomiu ndi ongkue.

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

1 Samueli 19:5

Ita'oomo penaano mepateo to Pelisiti atuu ka Ondae i Ue moweeako ira to Isaraeli poponangia anu langkai. Ikitaomo ka ipo'undeakono. Tembio ka ihaweako aroamiu moweweu hala a reano mia anu nahina salano, komiu mepateo i Daudi nahina pu'uno?”