Esetere 3:12 - Wunta Mempori

¹² Onaemo a wula ko'asa, i oleo anu kohopulu ka otolu, mempinoboi iramo luwuno puu mpoburido mokole, ka i'amba menunu saru luwuno anu iparentaako ira i Hamani, binuriomo wunta a luwuno saru ngkoroido mokole, a sompo bupati anu pabawaio wita ka sompo mia anu langkai potorono a tongku, onaemo a sompo-sompo wita montonda poburido ka a sompo-sompo tongku montonda paudo. Wunta atuu binuri a needo mokole Ahasiwero ka tinondoniako sinsi pontondonido mokole.

Esetere 3:12 ပူးပေါင်းရင်းမြစ်များ

1 Mokole 21:8

Ka i'amba i Isebeli moburi wunta a neeno i Ahabi, ka itondoniakono pontondonido mokole, ka i'amba umoliwi ira wunta atuu a luwuno mia memota'u ka a luwuno mia pinemota'u anu mpi'ia mpe'asa kota saru i Nabo.

Esera 8:36

Wunta parentado mokole pinohawe mbo'u a luwuno guberenuu ka bupati a mpoparentaa i sumooano oleo Koro Eparata, ka luwuno mia atuudo mpepokowali a tongkuto ka a raha-Do Ue Ala.

Esetere 1:22

Mokole mo'oliwi iramo wunta a luwuno wita poparentaa, sompo-sompo wita montonda poburino ka sompo-sompo tongku montonda paudo, unino, ”Sompo tama asalakono gagi petewawa a nsomborino ka ipepau montonda paudo tongkuno.”

Esetere 3:11

Ka i'amba petenado mokole ndi Hamani, ”Salaka atuu weweuomo po'ehemu, ka tongku mbo'u atuu weweuomo kana anu pinemoikomu.”

Esetere 8:2

Onae ka dolohuo mokole sinsi pontondoni anu inala inso ndi Hamani, ka dopeweengakono ndi Modekai. Ka i Modekai ipotoroo i Esetere gagi pabawaio arataano i Hamani.

Esetere 9:27

to Yahudi mentarimao gagi anu asalakono ira meweweuo ka gagi pompakosi tiano koroido ondaedo, inuledo ka tiado luwuno anu mpe'asa saru ondae, nine nahi ira melinggeio porame-ramea orua oleo atuu sompo ta'u, montonda anu binuri mongkona atuu ka a tempo anu tinantuako,

Danieli 3:10

Omiu ueku moluarako komiumo parenta, nine sompo mia anu rumongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, asalakono menggolontu mesombaio tinaha wulaa atuu,

Danieli 6:12

Mia atuudo mpopari-pari mpewinso ka domehaweo i Danieli tekonai mekakai ka mo'ema ndi Ondae Ue Alano.

Danieli 6:15

Mansano rumongeo mokole mongkona atuu, onae tedoa mompemasusa. Onae mo'ungke sala ta motolao i Danieli, maupo ranta sumoo oleo, onae da merokuhi ta tumulungio.

Danieli 6:25

Mokole meparenta, ka i'amba mia anu mentulurio i Danieli me'inala ka mempinetadiako a laro aano singa, moiko ondae maupo luwuno ana ka kombiado. Napi domehawe a horono aa atuu, domperangkami iramo singa atuudo, maupo wukudo domempuroo.

Danieli 6:8

Luwuno anu langkai potorono a poparentaa andio, luwuno anu pabawa ka petewawa daera, luwuno anu mokowali ira a poparentaa ka bupati ntepo'asa ka ilinuarako asa pompakosido mokole ka ipinolempa asa pepo'onto nine ba isema i larono tolu pulu oleo mompohawe po'ema a asa i olono pinesombai ke mia sangkadio ndi omiu ueku, oo mokole, onae ta pinetadiako a aano singa.