EPESU 6:8 - Wunta Mempori

⁸ Imento'orio, nine sompo mia, moiko ata, maupo mia maradeka, tewala hinaomo wineweuno anu moiko, onae ta montarima sulono inso ndi Ondae i Ue.

EPESU 6:8 ပူးပေါင်းရင်းမြစ်များ

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Powadi 23:18

Hangano oleo lembuiano mentee ntu'u hinao, ka pomperorohimu nahi ta tetadi.

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 20:7

Dopotaeakono: Hangano nahina mia tumambo kami. Ipotaeako ira: Imelako mbo'u mida a lere anggoroku.

I MATIU 5:12

Impo'unde ka memawongkomo, hangano tambomiu langkai i suruga, hangano kanandio koa mbo'u dontebobarasai luwuno nabi anu mpese'elungi komiu.”

I MATIU 6:1

”Impe'ihilaroo, si meweweuo gau mpesombamiu i arodo mia ka domengkitao, hangano tewala kanandio, nahi komiu mpohawe tambomiu inso ndi Ondae Amamiu anu i suruga.

I MATIU 6:4

Po'ineeomo pompowee anu mentee atuu ka itewuni iwineeako, ka Ondae Amamu kumitao anu tewuni Ira sumuloakomu.”

I LUKASI 14:14

Ka kome'ura, hangano nahina hapa-hapa ira mensuloakomu. Hangano komohawe sulono a oleo pewanguado mia mentee.”

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

1 KORINTI 12:13

Hangano a laro aasa Penaa luwuto, moiko to Yahudi, maupo to Yunani, moiko ata, maupo mia maradeka, mebinaho kitamo luwu gagi asa ngkoroi ka luwuto mempinopo'inu inso a aasa Penaa.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

KOLOSE 3:11

mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

KOLOSE 3:24

Imento'orio, nine insomo ndi Ondae i Ue komiu mpontarima tia anu imempinakosiako gagi tambo. Ondaemo i Kerisituu pe'uea ka omiu ata-Do.

KOLOSE 3:25

Ba isema sala poweweuno, ta tumembio salano atuu, hangano Ondae i Ue nahi Dopobiniki mia.

IBARANI 10:35

Onaemo pu'uno si mpotolao pompe'ala-alamiu, hangano langkai tambo anu sumikorio.

IBARANI 11:26

Pompokongkodeia hangano Ondae i Kerisituu ituduo gagi kaeaa anu lalu langkai sekonopo luwuno arataa i Masiri, hangano pinewowolono ipo'aroo a ntambo.