EPESU 6:4 - Wunta Mempori

⁴ Ka omiu, luwuno ama, si mpokontekuda ira anamiu, sine imempaguru iramo a pompaguru ka patudu-Do i Ue.

EPESU 6:4 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

1 Tawarika 29:19

Ndi Salomo, anaku Ipoweeakonomo aroa anu moleo ka ipekariao luwuno parenta-Miu ka pepopoto'ori-Miu ka pompakosi-Miu, weweuo luwuakoano ka wanguo raha anu kupatindaomo.”

Powadi 19:18

Tunduhiomo anamu tempono da hinao pomperorohia, sine si ineheakono mateano.

Powadi 22:15

Benge-bengea metako a aroano mia mongura, sine tuko pompaguru ta moko'olaio atuu inso ndi onae.

Powadi 22:6

Paguruomo mia mongura montonda pesalaa anu pototono, ka maupo tempono imota'u nahi ta pansia inso a mpesalaano atuu.

Powadi 29:15

Tuko ka pongkuahako mowawa ponto'ori anu mentee, sine ana anu pino'inee ta mokoko'iio ineno.

Powadi 29:17

Paguruomo anamu, asalakono onae ta moweeakomu rodoa, ka mokomawongkoko.

Yesaya 38:19

Sine mia anu tuwu, oo butu koa mia tuwu anu moko'unde-unde komiu, kana ongkue oleo ndio; petenunu-Miu ipauakono ama a luwuno anano.

EPESU 6:3

ka imeme'ura koa ka melai tinuwumiu i tolino.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

KOLOSE 3:21

Hei luwuno ama, si mpokomahakio aroano anamiu, ka si motewe aroano.

2 TIMOTIU 1:5

Hangano kupasi mpewowoloo pompe'ala-alamu anu komba mo'onde-onde, onaemo pompe'ala-ala anu amba-ambano tuwu i larodo uemu beine i Loisi ka ndi inemu i Eunike ka anu kupe'ala-alao tuwu koa mbo'u i laro ngkoroimu.

2 TIMOTIU 3:15

Pewowolo koa mbo'u nine inso kodei uto'oriomo Wunta Mempori anu mokompoweeakomu ponto'ori mentee katumaateko a ntekaduduia hangano pompe'ala-ala ndi Ondae i Kerisituu Yesu.

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

Puu Mpobitara 13:12

Motae i Manoa, ”Tewala gagi anu pinau-Miu atuu, kana'umpe te'ingka tumuwuno ka peleluno nana'ote atuu?”