EPESU 5:8 - Wunta Mempori

⁸ Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

EPESU 5:8 ပူးပေါင်းရင်းမြစ်များ

Po'unde-unde 74:20

Ipengkitamo a mpedandia, hangano luwuno po'ianga wongi-wongi i wita andio gagiomo po'iangano pobobarasaia.

Yesaya 2:5

Hei, suku inuleno i Yako, aiwa tompelempa a laro mewine-Do i Ue!

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 49:9

ka domempinauako mia anu nte'uko: Peluarakomo! a mia anu mekongko a laro wongi-wongi: Aiwamo! A luwuno sala tinondado mpohawe ira tonga mpada, ka maupo a luwuno pongku londa tepatinda pada pompakambia.

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yesaya 9:2

Hangano Omiu maroa pebooli, ka mawongkoa anu langkai; memawongko iramo i aro-Miu, kana mawongkodo tempo sumowi, kana mia mengkokora-kora tempono mpetia-tia pinomuru.

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

I MATIU 3:8

Gaagi impoluarakomo wua anu menunu saru tepidia.

I MATIU 4:16

Tongku anu mpo'ia a laro wongi-wongiano, pongkita iramo mewine anu langkai, ka ndi ondae anu mpo'ia i inia anu inengomino matea, mesabaakoomo Mewine.”

I LUKASI 1:79

ka ipansari ira anu mpo'ia a wongi-wongiano ka a laro mpe'engono matea ka Dopo'aroo karuto a nsala rodoa.”

I LUKASI 16:8

Ka i'amba ueno atuu umunde-undeo puu pompekaria anu molengku atuu, hangano moweweuomo akalano. Hangano anano wawontolino andio mempande irapo mpe'akala a mpe'asa miado sekonopo luwuno anano mewine.

I YOHANE 1:9

Mewine anu menteeano, anu wantahio sompo mia, kontongaa-Do hawe i wawontolino.

I YOHANE 12:35

Motae Ira i Yesu ndi ondae, ”Saraimo koa ikongko mewine i olomiu. Tempono mewine atuu kongko ndi omiu, impe'ala-alaomo, ka si pabawai komiu wongi-wongia; ba isema melempa a laro wongi-wongia, nahi to'orio ba isua lakoano.

I YOHANE 12:36

Impe'ala-alaomo mewine atuu, tempono mewine atuu kongko ndi omiu, ka imegagi anano mewine.” Umari-Do mepau kanandio, lumako Iramo i Yesu mewuniako ira.

I YOHANE 12:46

Hawe Akumo i wawontolino gagi mewine, ka isompo mia anu me'ala-ala Aku, ka si po'ia a laro wongi-wongia.

I YOHANE 8:12

Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”

WINEWEUDO TINENA 17:30

Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 1:21

Hangano maupo domento'ori Ira Ue Ala, nahi dompelangkai Ira kana Ondae Ue Ala ke me'unde-unde Ira. Tendeano pinewowolodo gagi nahina tuduno ka aroado anu monge-monge gagi wongi-wongi.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

ROMA 2:19

ka memanasao, nine omuemo anu tumaate ira mia morawu ka mewinedo anu a laro wongi-wongiano,

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

2 KORINTI 6:14

Si mengkana tarono anu nahi petoto saru mia anu nahi dompompe'ala-ala. Hangano hapake pengkenano anu hina i olono menteea ka lambaha? Ke kana'umpe mewine mokompe'asa saru wongi-wongi?

GALATIA 5:25

Tewala mentuwu kita hangano Penaa, moikoomo tuwuto mbo'u Dotaateo Penaa,

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 4:18

ka ponto'orido anu wongi-wongi, olai inso a ntuwu tepo'asaa saru Ondae Ue Ala, hangano benge-bengea anu kongko i larodo ka hangano moteano aroado.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.