EPESU 5:3 - Wunta Mempori

³ Sine pebelesua ka mperupa-rupa mokoburua ke modoko maupo pinewua i olomiu osi'i, kana pototodo mia memempori.

EPESU 5:3 ပူးပေါင်းရင်းမြစ်များ

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Po'unde-unde 119:36

Ipo'aroomo aroaku a luwuno pepopoto'ori-Miu, ka osi'i a modokoa.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Powadi 28:16

Asa petewawa nahina ponto'orino, lansara pompokonsiino; sine mia anu umo'aliaakono untu anu nahi moleo insoano, melai tinuwuno.

Yeremia 22:17

Sine matamu ka aroamu butu te'aro a po'ungkea me'uraa, a mpo'uwua reano mia anu nahina salano, a porontua ka pobobarasaia!

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

Imama 15:18

Tewala asa tama moturi saru asa beine ka ite'uwu uwoi anuno, asalakono orua ira dowo'ohiakono uwoi koroido, ka ondae gagi mokoburu hawe sumoo oleo.

Mika 2:2

Tewala inehedo lere, domerontuo, ka luwuno raha, dome'alao. Domerontuo mia saru rahano, ka mia saru tia pusakano!

Podoaa 25:1

Kontongaado to Isaraeli mpo'ia i Sitimi, mpopu'u iramo tongku atuu mponsosabo saru beinedo to Moabi.

I MATIU 15:19

Hangano inso i aroa me'umbaako luwuno pinewowolo mosa'o, pompepatea, ponsosaboa, pebelesua, ponakoa, sumpa nahi mentee ka pompepaukiako.

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 16:14

Luwuno atuu domerongeo to Parisi, anu memodokoako doi atuu, ka dompokoko'awatiako Ira.

WINEWEUDO TINENA 15:20

sine asalakono ka tompoburi wunta ndi ondae, ka dome'olaiakono kaanga anu tesosa'aiakoomo lahumoa, pebelesua, bauno kondehora anu mate tetolonggeo ka inso a rea.

WINEWEUDO TINENA 20:33

Salaka ke wulaa ke sangka nahi kuhori mosisiriakono maupo inso ndi semamo koa.

ROMA 1:29

bukeako mperupa-rupa molengkua, wineweu mosa'o, mo'uri ka mokoburu, bukeako kohili, pompepatea, teposisalaa, pompopo'oo ka gau mosa'o.

ROMA 16:2

ka imentarimao hangano Ondae i Ue, kana pototodo mia mempori, ka imentulungio tewala ikereo. Hangano hadioomo mia tinulungino, saru mbo'u ongkue.

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

1 KORINTI 10:8

Si tompogauo mebelesu, kana anu pinogaudo ba opia mia inso ndi ondae, ranta i aasa oleo mateomo rua pulu ka otolu nsowu mia.

1 KORINTI 5:1

Lano domerongeo mia, nine hinao pebelesua i olomiu, ka pebelesua anu kanatuu, kana komba hina hinawe maupo i olodo tongku anu nahi domento'ori Ira Ue Ala, onaemo nine hinao mia anu tuwu saru kombiano amano.

1 KORINTI 6:13

Kaanga onaemo tiano kompo ka kompo tiano kaanga: sine oruano Ira umoninio Ue Ala. Sine koroi komba tiano pebelesua, tendeano tia-Do i Ue, ka Ondae i Ue tiano koroi.

1 KORINTI 6:18

Impoko'olaio koroimiu inso a mpebelesua! Sompo hala susua anu wineweuno mia, komba gagi a ngkoroino. Sine mia anu mebelesu mokontehalao koroino onaeno.

2 KORINTI 12:21

Salalaro aku, nine tewala hawe aku mbo'u, Ira mokongkodei aku Ue Alaku i aromiu, ka nine aku masusaako ira hadio mia anu mpoweweu hala i ndi'upua ka naapo koa mbo'u dontepidi inso a mokoburua, pebelesua ka nahi dompoto'ori gau anu wineweudo.

EPESU 5:12

Hangano maupo mewuaomo koa hapa anu mewineweudo a po'ianga anu tewuni mompokoko'ii.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

1 TESALONIKA 4:3

Hangano ndiomo po'ehe-Do Ue Ala: pokomemporiamiu, onaemo ka ime'olaiakono pebelesua,

1 TESALONIKA 4:7

Dopoboi kita Ue Ala komba ka tompoweweu hapa anu mokoburu, tendeano hapa anu mempori.

1 TIMOTIU 2:10

sine ka ipesangkaakono wineweu moiko, kana tekonano a beine anu mesomba.

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

2 TIMOTIU 3:2

Mia ta kumekewoio koroino onaeno ka gagi atano doi. Ira mengkopau-pau anu nahi mentee ka mpompelangka-langkai, ira megagi puu pomposebe, ira me'ewa a mia mota'u ka nahi domponto'ori mpontarimakasi, nahi domperioo agama,

TITU 1:11

Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

TITU 2:3

Kanatuu koa mbo'u beine anu memota'u asalakono ka domentuwu gagi mia mpesomba, si dompomposebe, si domegagi atano anggoro, sine mempande mpompaguruako luwuno anu moiko

IBARANI 12:16

Si hina mia anu gagi belesu ke anu mompewowolo owowa kana i Esau, anu umasao te'akano a ngkaanga asa sempe.

Yosua 7:21

Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

2 PETURU 2:10

tamoako ondae anu mentondao po'eheno aroado hangano mingki sumosa'aio koroino ka anu mokongkuramao poparentaa-Do Ue Ala. Memosia ira ntu'u ka mpompelangka-langkai, ranta nahi donte'ondaha mpepaukiakono marambaa,

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

MENGKAAA 2:21

Ka Kupoweeakonomo tempo ka itepidi, sine nahi behe tepidi inso a ponsosabono.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.

MENGKAAA 9:21

ka nahi dontepidi inso a pompepatea, sihiri, pebelesua ka ponakoa.

1 Samueli 8:3

Sine orua ira anano atuu nahi dotondao peleluno amado. Montarima ira pompowee anu nahi moleo ka dowoliliki ira kara-kara, anu sala pinokomentee ka anu mentee pinokonsala.