EPESU 5:27 - Wunta Mempori

²⁷ ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano.

EPESU 5:27 ပူးပေါင်းရင်းမြစ်များ

Po'unde-unde 45:13

Ana beine i Tirusi aiwa saru luwuno pompowee; mia kaea i olodo palili ta mete'umalao aroamu.

Po'unde-unde 87:3

Luwuno mongkona anu maramba pinau mongkona omue, oo kota-Do Ue Ala. Sela

Penani Maramba 4:7

Omue tekosi ntu'u, pinehohawaku, nahina tataamu.

Yesaya 62:3

Omue kogagi ramba-ramba ulu popelangkai a ngkae-Do i Ue ka peboo ulu poparentaa a ngkae-Do Ue Alamu.

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

2 KORINTI 11:2

Hangano kumosiriakomiu mosiri-Do i Ue. Hangano kupoposamborakomiumo a asa tama ka iwawa komiu kana ana beine moondo mempori ndi Ondae i Kerisituu.

2 KORINTI 4:14

Hangano kimento'orio, nine Ondae, anu wangu Iramo Ue Yesu, Ira koa mbo'u wangu kami meronga saru Ondae i Yesu. Ka Ira wawa kami mpe'aro ndi Ondae meronga saru omiu.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

KOLOSE 1:22

kanandio-andio Dopokosintuwuo, a ngkoroi-Do i Kerisituu hangano mate-Do, ka Donaa komiu mempori ka nahina tisoano ka nahina tataano i aro-Do.

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

2 PETURU 3:14

Onaemo pu'uno, pepaekompo anu kinekewoiku, kontongaano mensikorio luwuno andio, asalakono impeteahako, ka imehinawe nahina tataamiu ka nahina anu mosa'o i aro-Do, a laro pesintuwua saru Ondae.

YUDASI 1:21

Impekariaomo koroimiu kanandio a laro pompehohawa-Do Ue Ala saru mensikorio pe'aroa-Do Ueto, i Yesu Kerisituu, tiano tuwua anu nahina tampulaano.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.