ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.
Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.
Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.
anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.
Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.
Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?
lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.
onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.
Ondaemo andio anu haweako uwoi ka rea, onaemo Ondae i Yesu Kerisituu, komba butu saru uwoi, sine saru uwoi ka saru rea. Ka Penaa anu mompowee ponsakosii, hangano Penaa Ondaemo menteea.
Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.