EPESU 5:25 - Wunta Mempori

²⁵ Hei tama, pehohawaomo beinemu kana Ondae i Kerisituu Dopehohawa iramo bawaa ka Dopeweengakonomo koroi-Do hangano Ondae

EPESU 5:25 ပူးပေါင်းရင်းမြစ်များ

Tegagia 2:24

Onaemo pu'uno, asa tama ta bintao amano ka ineno ka ipe'asaakono beineno, ranta orua ira gagi me'asa ihi.

Tegagia 24:67

Ka i'amba i Saki wawao i Ribeka a ngkemano i Sara, ineno, ka i'alao gagi beineno. Onae ipehohawao i Saki ka i Saki tetarero, umarino mate ineno.

2 Samueli 12:3

Anu mongkokolaro nahina hapa-hapano sangkadio aasa ana bimba waino anu kodei, anu inolino ka ipekariao. Anano bimba atuu langkaiomo ndi onae ka luwuno anano, mongkaa inso a ngkaangano anu tedei, mo'inu inso a sangkirino ka moturi a wawo mpa'ano, kana anano anu beine.

Penani Maramba 1:11

Kami moweweuakomu peramba-ramba wulaa saru oluti salaka.

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

EPESU 5:24

Onaemo pu'uno kana petuundudo bawaa ndi Ondae i Kerisituu, kanandiomo mbo'u beine a ntamano a laro luwuakoano.

EPESU 5:28

Kanandio koa mbo'u tama asalakono ka ipehohawao beineno mengkena kana koroino onaeno: Isema anu mehohawao beineno ipehohawao koroino onaeno.

EPESU 5:33

Maupo kana'umpe, singge mia ndi omiu asalakono: pehohawaomo beinemu kana koroimu omuemu ka beine ka ipelangkaio tamano.

KOLOSE 3:19

Hei luwuno tama, impehohawao beinemiu ka si melambaha ndi onae.

1 TIMOTIU 2:6

anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi.

1 PETURU 3:7

Kanandio koa mbo'u omiu, hei luwuno tama mpekombia, imentuwumo pande mposongka saru beinemiu, kana mia anu lalu molema! Impelangkai iramo kana walimiu mpe'umbuo pe'aroa pompowee, onaemo tuwua, ka si tetombolei pekakaimiu.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.