EPESU 5:20 - Wunta Mempori

²⁰ Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

EPESU 5:20 ပူးပေါင်းရင်းမြစ်များ

Ayubi 1:21

Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Po'unde-unde 34:1

Inso ndi Daudi, i tempono onae mo'onde-onde nahi molino pinewowolono i arono i Abimele, onaemo ka isinaari, ka i'amba lumako.

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

ROMA 1:8

Amba-ambano ku'unde-unde Ira Ue Ala Ueku mesala ndi Ondae i Yesu kerisituu hangano luwumiu, hangano teleleomo mongkona pompe'ala-alamiu i asa wawontolino.

1 KORINTI 1:4

Montarimakasi aku mpiha ndi Ondae Ue Alaku hangano omiu a mpe'aroa-Do Ue Ala anu Doweeakomiu ndi Ondae i Kerisituu Yesu.

1 KORINTI 15:24

Ka i'amba hawe pokotompaano, onaemo tewala Dopeweengakonomo Poparentaa ndi Ondae Ue Ala Ama, umari-Do mokotampulao luwuno poparentaa, pabawa ka roso.

EPESU 5:4

Kanatuu koa mbo'u pau anu mokoburu, anu nahina tuduno ke anu mondeenomo koa – hangano mongkona luwuno andio nahi tekona – sine tendeano impontarimakasimo.

PILIPI 1:3

Pontarimakasiku ndi Ondae Ue Ala sompo kurambe komiu.

PILIPI 4:6

Si mporerengkoo mongkona hapamo koa, sine impokomengkaaomo a luwuakoano po'ehemiu ndi Ondae Ue Ala a laro mpekakai ka po'ema saru pontarimakasi.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 TESALONIKA 3:9

Hangano pontarimakasi hapake anu kami mpokompesombaakono ndi Ondae Ue Ala a luwuno mawongkoa, anu hinawemami hangano omiu, i aro-Do Ue Alato?

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

2 TESALONIKA 1:3

Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,

2 TESALONIKA 2:13

Sine omami asalakono wela pontarimakasi ndi Ondae Ue Ala hangano omiu, pepaekompo luwu-luwu, anu pinehohawa-Do i Ue, hangano inso a pompu'uano Dobiniki komiumo Ue ala ka imengkinadudui a Mpenaa anu mokomempori komiu ka a menteea anu pine'ala-alamiu.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.