EPESU 5:18 - Wunta Mempori

¹⁸ Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

EPESU 5:18 ပူးပေါင်းရင်းမြစ်များ

Tegagia 9:21

Mansano mo'inu anggoro, onae molangu ka kolambe-lambe a laro ngkemano.

Po'unde-unde 69:12

kupokonao sawu kampili gagi sangkaku, sine ongkue gagi pasinggirido.

Powadi 20:1

Anggoro atuu pasinggiri, inua mokora atuu mompokogagi pohohoi, nahi komba pande mosongka mia anu kobangku-bangku hangano onae.

Penani Maramba 1:4

Padii akumo i bungkumu, aiwamo topontuturako! Dowawa akumo mokole a laro bolongko mpo'iangado. Kami memaroa mpebooli ka memawongko hangano omue, kami umunde-undeo pompehohawamu laluaopo sekono anggoro! Lano tekona dompehohawako!

Penani Maramba 7:9

Paumu mo'ahi kana anggoro!” Oo, anggoro atuu waa tetutu a mpinehohawaku mewaa ntededei a wiwido mia tekonai mpoturi!

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yesaya 5:22

Masola ntu'u mia anu mokora mo'inu ka anu pande ntu'u monsalo inua anu mompokomolangu;

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Imama 10:9

”Si po'inu anggoro ke inua mompokomolangu, omue saru luwuno anamu tempono impewinso i larono Kema Tepotowoa, kasi memate. Onaemo asa pompakosi ndi omiu asa mpinu'u hawe nahina tampulaano.

I MATIU 23:25

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano sangkiri ka sempe imewo'ohio bungkuno, sine i larono bukeako rinontu ka modokoa.

I MATIU 24:49

Nahi dohori hawe ueku, ka i'amba mompu'u tumunduhi ira ata susua, ka mongkaa mo'inu merongaako ira mia wela memolangu,

I LUKASI 1:15

Hangano onae ta langkai i aro-Do i Ue ka onae nahi ta mo'inu anggoro ke inua mompokomolangu ka onae ta bukeako Penaa Mempori mompu'u inso a mpe'anakaano ineno;

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I LUKASI 12:45

Sine, tewala ata atuu mosa'o ka motae i laro aroano: Ondae ueku nahi dohori hawe, ka i'amba mompu'u tumunduhi ira ata tama ka beine, ka ipongkaa ka mo'inu ranta molangu,

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

I YOHANE 2:10

ka ipotaeakono, ”Sompo mia montawa anggoro moiko se'elu ka mansano menteende iramo mia mpo'inu, ka i'amba anu nahi moiko lahi; sine omue monaa anggoro anu moiko hawe kanandio-andio.”

WINEWEUDO TINENA 11:24

hangano i Baranaba mia me'aroa, bukeako Penaa Mempori ka pompe'ala-ala. Hadio mia mewinawa ndi Ondae i Ue.

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

1 KORINTI 11:21

Hangano a pelimbua atuu sompo-sompo mia kumaano se'elu kaangano onaeno, onaemo ka imokoninggo anu asa mia ka anu mehano molangu.

1 KORINTI 5:11

Sine anu kuburiakomiu onaemo, ka si mpewali-waliako mia, anu maupo ipauo koroino pepaekompo, onaemo mia belesu, modoko, mompesombai lahumoa, puu pomposebe, wela molangu ke wela mompopo'oo; saru mia anu kanandio si koa ntu'u impe'asaako ira mpongkaa.

1 KORINTI 6:10

anu mponako, mia memodoko, mara molangu, anu momposebe ka anu mompopo'oo nahi ira mpohawe tia a laro Poparentaa-Do Ue Ala.

Winali 21:20

Ondae asalakono mepau a luwuno mia memota'u i kotano, ”Ana mami andio nahi pinokopatudu ka umewa. Nahi behe merorongeakono pau mami; onae modoko mongkaa ka mo'inu.”

1 TESALONIKA 5:7

Hangano ondae anu mpoturi, mpoturi tempono wongi ka ondae anu memolangu, molangu tempono wongi.

TITU 1:6

onaemo mia anu nahina tataado, anu butu aasa beinedo, anu anado mentuwu mpompe'ala-ala ka nahi dompinokotuluri hangano tuwu mosa'o gaudo ke tuwu nahi te'atora.