EPESU 5:11 - Wunta Mempori

¹¹ Si mpompokowali a luwuno wineweu wongi-wongi anu nahi pewuaako hapa-hapa, sine tendeano imposabaomo luwuno wineweu atuu.

EPESU 5:11 ပူးပေါင်းရင်းမြစ်များ

Tegagia 20:16

Ndi Sara ipotae, ”Kuweeakonomo pepaekompomu asa nsowu sikala salaka. Onaemo atuu tondonino nine omue nahina salamu a pongkitado luwuno mia anu pe'asamu; kanandiomo a luwuakoano omue pinokomentee.”

Po'unde-unde 141:5

Po'ineeomo mia mentee mpetunduhi ka mehukuakune pompehohawa, onaemo atuu lana moiko ntu'u, po'ineeomo ka itarimao uluku! Mentee ntu'u, ongkue mekakai mpiha umewaio poweweudo anu mosa'o mia mosa'o gauno.

Powadi 1:10

Hei anaku, tewala mia tehala popandeiko, si tondao;

Powadi 1:31

ka ira mengkaano wuano wineweudo, ka gagi mowohiako sinongkado.

Powadi 13:18

Mongkokolaroa ka pasinggiri umaluo mia anu nahi perioo pompaguru, sine isema anu merioo pongkuahako, onae pinelangkai.

Powadi 15:12

Anu mompasinggiri nahi behe kinuahako; onae nahi behe lumako a mia pande mosongka.

Powadi 19:25

Tewala anu mompasinggiri utunduhio, ka i'amba mia anu napi hina pinembasaino gagi pande mosongka, tewala mia hinao ponto'orino kinuahako, onae gagi mokonto'orio.

Powadi 25:12

Kana sinsi wulaa ka peramba-ramba wulaa, kanatuumo pekuahakono mia pande mosongka a biri anu moronge.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Yesaya 29:21

ondaemo anu moruana mpopokosala mia a laro asa kara-kara, ka mpota'oakono oho anu monteahako songka a mpewowa langkai, ka anu mpoposule moleoa a mia mentee me'empehiako anu nahi mengkaa pepu'uano.

Yeremia 15:17

Nahi kupentoro saru mia mpompemaroa a laro ntepotowoado mia anu mpepau mpemae-mae. Podansono kae-Miu weweu aku mentoro asa-asaku, hangano Ibuketiakunemo bamburu-Miu.

Imama 19:17

Si o'aliaakono pepaekompomu i laro aroamu. Asalakono kuahakono pe'asa miamu i arono ka nahi poweweuakomu halamu hangano onae.

I MATIU 18:15

”Tewala pepaekompomu moweweu hala, kuahakono tempono asa-asano. Tewala iperorongeakono patudumu walikomo humaweo.

I LUKASI 3:19

Sine mansano kumuahakono mokole Herode hangano teweweuno i Herodia, beineno pepaekompono, ka hangano luwuno wineweuno susua anu mosa'o,

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

ROMA 16:17

Sine kupatudu komiu, pepaekompo, ka impetangkoro ndi ondae, anu tepobungku saru pompaguru anu tinarimamiumo, mompokohina tekale-kalea ka pompopandei. Onaemo pu'uno ime'olaiako ira!

ROMA 6:21

Ka wua hapake anu inopumiu inso ndi onae? Luwuno atuu weweu komiu memokoko'ii kanandio-andio, hangano poko'ariano luwuno atuu onaemo matea.

GALATIA 6:8

Hangano ba isema morawo a tuwu ntolinono, onae ta sumowi matea inso a ntuwu tolinono, sine ba isema morawo a Mpenaa, onae ta sumowi tuwua anu nahina tampulaano inso a Mpenaa atuu.

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

EPESU 5:12

Hangano maupo mewuaomo koa hapa anu mewineweudo a po'ianga anu tewuni mompokoko'ii.

EPESU 5:7

Onaemo pu'uno si mpewali-waliako ira.

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

1 TESALONIKA 5:7

Hangano ondae anu mpoturi, mpoturi tempono wongi ka ondae anu memolangu, molangu tempono wongi.

2 TESALONIKA 3:14

Tewala hinao mia anu nahi behe merorongeakono hapa anu pinaumami a wunta andio, impetondonio, ka si mpewali-waliakono, ka igagi mokoko'ii,

2 TESALONIKA 3:6

Sine kime'oliwi komiu, pepaekompo luwu-luwu, a nee-Do Ue Yesu Kerisituu, ka ime'olaiakono sompo pepaekompo anu nahi weweuo anggaano ka anu nahi tondao pompaguru anu imentarimaomo inso ndi omami.

1 TIMOTIU 5:20

Ondae anu mpoweweu hala asalakono kuahako ira i arodo luwuno mia ka domedoito koa anu susua.

1 TIMOTIU 5:22

Si madara komedampoakono kaemu a asa mia ka si tetonda a halado mia susua. Dagaio koa memporino koroimu.

1 TIMOTIU 6:5

pengengea i olodo mia anu nami dompompewowolo mbo'u mentee ka anu tetadiomo menteea, anu potaedo mesomba atuu onaemo aasa insoano me'uraa.

2 TIMOTIU 3:5

Montonda koroi domeweweuo pesombado, sine a menteeano domehapuo rosono. Olaiako iramo atuu!

2 TIMOTIU 4:2

Paleleomo pau-Do i Ue, pepatindamo moiko ke nahi moiko tempono, pokomengkaaomo hapa anu sala, kuahakono ka patuduomo a luwuno maurua ka pompaguru.

TITU 2:15

Paleleomo luwuno atuu, patudu iramo ka pokomanasaako ira a luwuno poweweumu anu tekona domentondao. Si hina mia anu me'uru-uruko.

MENGKAAA 18:4

Ka ku'amba rumongeo suara susua inso i suruga motae, ”Imelakomo, hei bawaa-Ku, imelakomo inso ndi onae ka si mpo'ala tia a luwuno halano, ka si saru omiu inaluno luwuno masolaano.