EPESU 4:6 - Wunta Mempori

⁶ aasa Ue Ala ka Amado luwuno, Ondae Ue Ala anu i wawono luwuno ka hangano luwuno ka i larono luwuno.

EPESU 4:6 ပူးပေါင်းရင်းမြစ်များ

Tegagia 14:19

Ka i'amba rumonsoo i Burama, ipotae, ”Po'ineeomo i Burama Doronsoo Ue Ala Anu Tedoa Mantande, Anu Mokogagio langi ka tolino,

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Maleaki 2:10

Kombake luwuto hinao asa ama? Kombake ontae pinokogagi-Do asa Ue Ala? Ka i'amba tembio ka tompedodontai pada ontaeto ranta kumokoburutio pedandiado uempu'uto?

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 17:26

ka Kupauomo nee-Miu ndi ondae ka Aku pauako ira, ka ikongko i larodo pompehohawa anu Iweea-Kune ka Ongkue i larodo.”

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

ROMA 11:36

Hangano luwuakoano inso ndi Ondae, ka hangano Ondae, ka ndi Ondae: Ndi Ondaemo marambaa hawe nahina tampulaano!

1 KORINTI 12:6

Ka hinao mperupa-rupa wineweu kinohali-haliako, sine Ondae Ue Ala aasa koa anu umanggao luwuno a laro luwuno mia.

1 KORINTI 8:6

sine ndi ontae butu koa aasa Ue Ala, onaemo Ondae i Ama, anu ndi Ondae insoano luwuakoano ka anu tia-Do tomentuwu, ka aasa koa Ue, onaemo Ondae i Yesu Kerisituu, anu hangano Ondae luwuakoano pinokogagiomo ka hangano Ondae ka tomentuwu.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

EPESU 1:21

olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.

EPESU 2:22

Ndi Ondae mewinangu komiu koa mbo'u gagi po'ianga-Do Ue Ala, a laro Mpenaa.

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

EPESU 6:23

Rodoa ka pompehohawa saru pompe'ala-ala inso ndi Ondae Ue Ala, Ama ka inso ndi Ondae Ue Yesu Kerisituu kumongkomi komiu luwu pepaekompo.

Winali 6:4

Imerongeomo, hei to Isaraeli: Ondaemo i Ue, Ue Alato, Ondae i Ue atuu aasa!

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.